رامي جمال يطلب من جمهوره دعم تامر حسني

أعرب الفنان رامي جمال، عن حزنه وإستيائه من تسريب أغاني ألبوم الفنان تامر حسني، الجديد"عمري إبتدا"، ودعا جمهوره بمشاركته بنشر هاشتاج أدعم تامر.
وكتب رامي، عبر صفحته الرسمية عبر موقع التواصل الإجتماعي "الفيسبوك": "اكتر شئ محبط ومؤذي ومتعب لأي فنان او اي انسان عادي حتى انه يشوف مجهوده وتعبه وانتاجه واخلاصه موضع استهتار واستخفاف واهمال والاصعب انه يكون من ناس قريبة منه والمفروض انها أمينة على شغله ومجهوده، الضربة اللي مبتموتش بتقوي وخصوصا لما اللي ياخد الضربة اصلا قوي".
وتابع:"اللي حصل مع صديقي واخويا تامر حسني، من استهتار في التعامل مع شغله ونتج عنه تسريب الالبوم قبل معاده موضوع محتاج وقفة كبيرة واعادة ترتيب اولويات وحسابات، بس في الاخر نحمد ربنا على اللي حصل وتامر،اقوى من الهزة دي.
واستكمل رامي، قائلا "اللي نقدر كلنا نعمله اننا ندعم فديوهات الاغاني من على قناة تامر حسني، الرسمية لحين طباعة الالبوم ونزوله في السوق وارجوا من الجميع وخصوصا اللي بيحبوني او متابعيني انهم يشتروا السي دي الاصلي فور نزوله، وده دعم لفنانك المفضل عشان يقدر يستمر في انه يقدملك المنتج اللي بتحبه، وارجوا المشاركة بالهاشتاج ده #ادعم_تامر".
وكان تامر حسني، قد اضطر إلى طرح أغاني ألبومه الجديد "عمري إبتدا" عبر قناته الرسمية علي موقع الفيديوهات العالمي "اليوتويب"، وذلك بعد أن تم تسريبه عبر مواقع التواصل الاجتماعي، في الساعات الأولي من صباح يوم الخميس، ومن المفترض أن يتم طرحه في عيد الفطر المبارك
يذكر أن الألبوم يضم 14 أغنية وهم:
1- "يا مالى عينى" كلمات: تامر حسني، ألحان: عبد الرحمن شوقي، توزيع: جلال الحمداوي.
2- "نفس الحنين" كلمات: جمال الخولي، ألحان: محمد يحيى، توزيع: تميم.
3- "إحساسي مبيكدبش" كلمات: تامر حسني، الحان: تامر حسني، توزيع: هيثم راضي.
4- "شكرًا انك في حياتي" كلمات: تامر حسني ونادر عبدالله، ألحان: شريف بدر، توزيع: تميم.
5- "رحلة الحياة" كلمات: أيمن بهجت قمر، ألحان: وليد سعد، توزيع: أحمد إبراهيم.
6- "عمري إبتدى" كلمات: سلامة علي، ألحان: شريف بدر، توزيع: تميم.
7- "كداب وأناني" كلمات: أمير طعيمه، ألحان: تامرعاشور، توزيع: طارق مدكور.
8- "يا بعيد" كلمات: نادر عبدالله، ألحان: تامر علي، توزيع: ياسر ماجد.
9- "كان في واحدة" كلمات: سلامة علي، ألحان: محمد يحي، توزيع: تميم.
10- "فاض بيا" كلمات: حسن مهران، ألحان: تامر علي، توزيع: يحي يوسف.
11- "الحارس الله" كلمات: سلامة علي، ألحان: شريف بدر، توزيع: تميم.
12- "حبيبي خلاص" كلمات: محمد مصطفى مالك، ألحان: محمود أنور، توزيع: إلهامي دهيمة.
13- "يا عيون" كلمات: أحمد المالكي، ألحان: شريف بدر، توزيع: توما.
14- "بطلة العالم في النكد" كلمات: تامر حسني، ألحان: عبد الرحمن شوقي، توزيع: تميم