سيدة بالدقهلية تصرخ من استيلاء الدولة على أرضها.. والقرموطي يشكو ل السيسي

أعربت السيدة وفاء عبدالرحمن، من الدقهلية والتي استولت هيئة السكة الحديد على أرضها دون تعويضها، عن استيائها قائلة: "انا ماخدتش اي حاجة ومش هروح لأي حد تاني".
وأضافت "عبدالرحمن"، خلال مداخلة هاتفية ببرنامج "مانشيت"، المذاع على فضائية "اون تي في لايف"، الخميس: "الرئاسة كلمتني وسألتني اخدت حقك ياست وفاء وقولتهم لا ومفيش حاجة حصلت وهيئة الرقابة الإدارية غلطتني وقالتلي انتي اللي غلطانة.. والحمدلله ان وزير المالية مرضيش ينزع ملكيتي للأرض"، مما دفع القرموطي ليعقب قائلا: "ده ياسيادة الرئيس ورث من قديم الزمن ودي من الكوارث وفيه لواءات جيش كتير ياريس عندهم بينزنس خاص بيهم ورزقي على الله".
وتابع "القرموطي": "انت ياريس مش هتقدر تطول المتجاوز في مؤسسات الدولة إلا إذا رئيسه هو حاسبه"، مستطردا: "ياريس كل الوزراء لما يكونوا في السلطة ميغلطوش نفسهم ولما يسيبوا الدولة يغلطوا الدولة نفسها".