بالفيديو.. أحمد عز موجهًا رسالة نارية ل زينة: رجولتي تمنعني اتكلم في أعراض الناس

وجه الفنان أحمد عز، رسالة جديدة للفنانة زينة، بسبب القضية القائمة بينهم لخلاف حول نسب طفلي زينة ل"عز"، قائلا: "كلامي مش هيتغير من هنا لحد ما أموت، وأهم حاجة صورتي عند ربنا ولو هبطل تمثيل وافتح كشك سجاير".
وقال "عز" في مُداخلة هاتفية على قناة "CORRECT"، اليوم الأحد، إنه يفضل اللون الأبيض في حياته سواء الملابس أو داخل المنزل، وكذلك لون السيارة التي يمتلكها.
وأضاف "عز" ردا على ما وصفه ب"الشائعات" حول مسيرته وأعماله الفنية: "في الأول والأخر البني آدم مهما حاول يلف ويدور ربنا عارف كل واحد عامل إزاي، ربنا بيكرمني عشان تعاملي مع الناس، أتمنى ابقى من الناس دي اللي من جواها أبيض".
وعن استخدامه "حقن البوتكس"، قال: "أنا معرفش الرغي ده منين، واتعودت على كده، مفيش أدوار سينمائية تحتاج بوتكس، الناس بتحاول ترغي حواليا، دي سنُة الحياة، الناس عايزة تنشر الشائعات، وأنا مش مهتم وأهم حاجة صورتي عند ربنا".
وعن خلافه مع زينة، قال "عز": "كلامي مش هيتغير من هنا لحد ما أموت، ومعنديش قلق من القضية دي"، وأضاف ساخرًا: "أنا متأكد يعني"، وتابع: "ربنا عالم بالحقيقة، صورتي عند ربنا أهم من صورتي عند الناس، حتى لو هبطل تمثيل وهفتح كشك سجاير، أنا مش بهزر في الحاجات زي دي، الموضوع منتهي".
وواصل تعليقه على "خلافه مع زينة بشأن قضية نسب أولاده"، قائلا: "حتى لو حاولتي تعملي ايه تكتبي أو تغلطي أو تأجري ناس تكتب، فربنا اللي مقدره هو اللي هيحصل، واللي عارفني عن قرب متأكدين إني معملش كده، وعارفين أنا مين ومتربي إزاي، ولكن سنُة الحياة كل ما يبقى فيه نجاح لازم يبقى فيه هجوم".
وأكد أنه "يرفض الخوض في أعراض من تحدثوا عنه بسوء"، مضيفا: "للمرة المليون، مش ههزر مع ربنا مهما حصل، لو هفتح كشك سجاير ومش هتكلم في أعراض عشان عيب رجولتي تمنعني أتكلم في حاجة زي دي".
لمشاهدة الفيديو اضغط هنا