محمد صبحى: غسيل المخ خطر يهدد مجتمعنا

أكد الفنان محمد صبحى أن اللعب فى الدماغ وغسيل المخ وتغيير الأفكار شىء خطير يهدد مجتمعنا، حيث قال: "انتو متخيلين ان حد يلعب بأفكاركم ويخليكوا تشوفوا الموضوع من زواية تانية وتتصرفوا بشكل غير المفروض اللى تعملوة".
وأضاف فى الموسم الثانى من برنامج "مفيش مشكلة خالص" على قناة Cbc قائلا: "تخيل ان كل اللى اتعلمته مش حقيقى وكله ضطلع كذب، فى انسان نلاقية ربنا مسلطه علي نفسه بيعمل غسيل مخ لدماغة، على فكرة غسيل المخ بدأ من اوائل الثلاثينات، اتحطينا فى حقل التجارب عشان يتعملنا غسيل مخ فى كل الاتجاهات".
وتابع قائلا: "كل فكرة فى عقلنا مجموعة معلومات أخدناها من مصادر كلما كانت دقيقة ومحترمة توصل معلومة صحيحة لنا، والمشكلة تأتى حينما تكون مصادر معلومتنا ليست جيدة او مصدر واحد قديم لا يجدد نفسه، المصادر تبدأ من البيت ثم صحابك فى المدرسة أو الشغل وغيرهم، يقولوا ونسمع، اما الكبير بقى الإعلام من جرائد ومجلات وسينما ومسرح، ثم الانترنت الوحش الكاسر الذى لا احد يقاومة او يسيطر عليه، لازم نفتح عقولنا ونحتاج شعورنا ايضا عشان نشوف بيتلعب فى دماغنا بشكل سلبى يدفعنا للهدم مشكلة، اما لو حد بيلعب معنا عقل بعقل يبقى مفيش مشكلة خالص".