حلل أحد المسحيين المصريين المهتمين بكرة القدم مسألة عدم انضمام المسيحيين لمنتخب مصر بطريقة كوميدية. ونشر أندرو فوزي على موقع التواصل الاجتماعي "فيس بوك" 7 أسباب وراء عدم انضمام المسيحيين لمنتخب الفراعنة؛ وتفاعل معه المسلمون في روح رائعة بينهم وجاء نص كلامه كالتالي: "1- فتح كلام الفاتحة مش حافظينها .. فتلاقى اللاعيبة قبل الماتش نص بيرشم الصليب و نص بيقرا الفاتحة ..انقسام من قبل ما الحكم يصفر حتى . 2- لو جاب جول .. هتلاقى الفريق كله بيسجد الا هو .. حتى لو سجد هيحسوا انه مُدّعى يبشاركهم اللحظة و خلاص. 3- اسماء المسيحيين بقت غريبة الصراحة .. تخيل مثلا فريق فيه " محمود شرويدة - سامح العيدروس - حماده طُلبة - عاشور الادهم - و دانيل فيلوباتير مثلا " غصب عنك هتحس ان الواد ده ثغرة الفرقة .. ده اللاعيب اللى اسمه عمرو و لا باسم بيتاكل فى الدورى ده. 4- اللاعيبة كلها هتعترض على الحكم و تقول " اقسم بالله ما فاول - و الله ما لمسته " و هو يخش يقول " صدقنى ما لمسته " .. تحسها مش حلوة كده .. هتحسه لاعيب تنس. 5- ديه عالم بتصوم 250 يوم فى السنة يابا .. حيفرهدونا معاهم . 6- تخيل لو نص الفريق مسلمين بيصوم اتنين و خميس و التانى مسيحيين بيصوموا اربع و جمعة .. اتعشت كده مفيش تمارين . 7- اسأل نفسك اسئلة مهمة " فى صلاة الجمعة .. هيروحوا فين ؟ " " لما الاعيبة تعمل عمرة سوى.. هيروحوا فين " " هيعملوا ايه لما يجى الجول بدل السجدة " " هيبقى اسمه منتخب " اللى مش كله ساجدين ؟ " .. هيزاولونا و خلاص . اخيرا .. تخيل كده بتفتح التليفريون لقيت لقاء كابتن مُهيب مع كابتن " مينا ويليام " و قبل ما يكلم راح راشم الصليب و قايل " نشكر الرب على الثلاثة بُنط .. ديه بركة صوم الميلاد" .. اقسم لك بالله هتقفل التليفزيون.