أحمد ادم للإعلاميين: "حسوا ببلدكم إحنا فى حرب"

سخر الفنان أحمد آدم من مهاجمة الاعلاميين لبعضهم البعض عبر الشاشات التليفزيونية، حيث قال: "اية يا جماعة عمالين تردحوا لبعض".
وأضاف خلال برنامجه "بنى آدم شو" على قناة الحياة قائلا:حساسين فاتح قناة العاصمة معاة مستندات، وجنبة كريم لحب الشباب، نقلب القناة نلاقى عمرو اديب يقول انا مش هسيب حقى، ومرتضى على قناة آخرى يقول اسمع يا عمرو، ومصطفى بكرى ماسك فى خناق عكاشة وعكاشة فى حساسين، وخالد صلاح فى الاتنين، وميدو فى خناق مرتضى منصور، والكلام دة مش عاجب تامر امين وهاجم سعد الصغير وطلعلوا صور والصور دى فى فلاشى فى جيب مرتضى".
وتابع قائلا: مش كدة حسوا ببلدكم شوية احنا فى حرب عليا الطلاق بالتلاتة، انتوا فاكرين الحرب لازم تكون بطيارات ودبابات لا".