أحمد آدم: توفيق عكاشة التطبيع فى دمه..و"حياة" ملحقتش تتهنى ب"النيولوك"

سخر الفنان احمد آدم من الدكتور توفيق عكاشة وذلك على انغام موسيقى عسكرية، قائلا: عكاشة قفل قناة الفراعين، واترفد من البرلمان، عكاشة عيط وعايز يعتذر.
وأضاف خلال برنامجه "بنى آدم شو" على قناة الحياة قائلا: " عزم السفير الاسرائيلى فى بيته على حمام، تعالوا نقولها كأنها نكته، الاستاذ عدى الخيال العلمى معنا، احنا دخلنا على الخيانه العكشية، بقى زى ماتريكس عالم افتراضى، ولما سألوة عملت كدة لية، قال حاولت اقابل الرئيس السيسى مرضاش يقابلنى قولت اعارضة، ومرضاش يقابلنى قولت اعمل جلسة مع السفير الاسرائيلى.
وتابع قائلا:طبعكوا وحبركوا يا بعده التطبيع بقى فى دمه، انا مش زعلان على الفراعين ولكن على حياة الدرديرى، هتروحى فين بعد ما اتقفلت القناة دى كانت عملة نيولوك جديد ملحقاش تتهنى به، حياة 2016، حطى عدسات فوشيا".
واشار قائلا: الحمدلله اننا عبرنا القناة قبل قناة الفراعين ما تتطلع، كان زمانه قاعد على الشاشة من الساعة 9 الصبح وبيقولهم الساعة 2 الظهر هتشوفوا الويل، ودى اسرار، عمرى ما شوفت تركيبه زى العوكش ده".