عيني فيه !

مساء الخير استاذة نيفين يارب تكوني بخير
انا مخطوبة من سنة و من حوالي اسبوع خرجنا انا وخطيبي مع شلة اصدقاء مشتركين وكان فيه واحد صاحبه من ضمن الشلة دي نموذج الشاب اللي كنت بحلم بيه من الأول قبل ما اتخطب لخطيبي الحالي وبصراحة هوة عاجبني دة غير اني لاحظت انه بيبادلني نظرات اعجاب من تحت لتحت , هوة الإستايل اللي بحبه جدا دة غير اني اتخطبت خطوبة صالونات يعني مش باقية على خطيبي قوي .. انتي رأيك ايه ؟ ..
بصراحة أنا عيني فيه جدا وبفكر اشوف طريقة اعرف رقم موبايله او طريقة تخليه هوة اللي يطلب رقم موبايلي .. هفطس واكلمه واتعرف عليه وبفكر بجد افسخ خطوبتي في كل الأحوال لان ضميري مش مستريح بالمنظر دة .. الشاب شاغل بالي قوي طول الوقت ومش هسيبه الا لما اتعرف عليه .. عايزة حل من فضلك .
منوش
[email protected]