هاني عادل يحذف العديد من أصدقائه ب"الفيسبوك"

قال الفنان هاني عادل، إنه حذف العديد من الأشخاص الموجودين على حسابه الشخصي بموقع التواصل الاجتماعي "فيسبوك".

وكتب "هاني": "معظم الناس الموجودين عندي على البروفايل الشخصي ده ناس أنا معرفهاش بشكل حقيقي.... 5000 أو أكتر محطوطين في قائمه تسمي بالاصدقاء.. بيأثر فيا كلامهم والأخبار اللي بيحطوها نكتهم فيديوهاتهم صورهم حتى ولو بالصدفه سواء بالسلب أو الإيجاب..... شيء مش صحي بالمرة علشان أي بني آدم.... أرجوكم محدش يزعل مني لأني هرجع البروفايل ده شخصي يعني مش هيبقي فيه إلا الأصدقاء والمعارف أو حتى الناس اللي أعرفهم وأعرف وشوشهم فعلا... استخدامي أصلا للفيس بوك من البداية كان علشان الدعاية للفرقة أو كده ودلوقتي الحمد لله الفرقة عندها صفحة وبتتابعوها وأنا عندي صفحة بتتابعوا فيها أخباري وأعتقد ده المهم بالنسبة للناس اللي هنا ومش أصدقائي أو ميعرفونيش أصلا.... أفتكر اللي إنتوا محتاجينه مني شغلي وأنا كمان محتاج خصوصيتي اللي مش هيعرفها إلا الناس اللي أنا أعرفها بشكل حقيقي.... نصيحه مني حاولوا تعملو كده وهتلاقي أن السلبيه اللي في حياتك هتقل بنسبه مش صغيره والأخبار اللي هتشوفها هتبقي واثق فيها اكتر.... وهتبقي وانت بتكتب حاجه مش بتكتبها وانت قلقان من هيشوفها ولا هيفهم ايه لأن رايك هتبقي بتقوله لناس تعرفهم ويعرفوك فهتكون حر اكتر في طريقه تعبيرك..... يوم حلو عليكم أن شاء الله.... واعتذاري للناس اللي مش هيبقوا في قائمه الاصدقاء لو مهتم بشغلي موسيقي أو تمثيل هتعرفهم برضه لو انت عامل follow".