بالفيديو.. محمود سعد لمحافظ الإسكندرية: "سيب مراتك في البيت عشان تشم نفسك شوية"

خاطب الإعلامى محمود سعد، الدكتور هانى المسيرى، محافظ الإسكندرية تعليقًا على حضور زوجته لاجتماعات المحافظة، قائلًا: "مراتك سيدة فاضلة دكتورة، أو حتى مش متعلمة أصلا، ميفرقش معانا، عايزة تخدم المحافظة، نزلها أحياء بصحبة مجموعة من سيدات الإسكندرية، لتنضيف الأحياء والقيام بأشياء خدمية".
وأضاف سعد، خلال تقديمه برنامجه "أخر النهار" عبر فضائية "النهار"، اليوم الأربعاء: "لكن على أى أساس زوجتك بتحضر الإجتماعات، مايحدث شئ مستفز ولاتغضب من أراء الناس، إحنا مش فى خناقة علشان تقول اللى ماسك علينا حاجة يطلعها، مراتك دكتورة تروح تشتغل فى مستوصف، أنا لاأعلم هى دكتورة فى إية، إحنا مع عمل المرأة وزوجاتنا تعمل ونحثهم على العمل، مينفعش إجيب مراتى تقعد جنبى فى الإستديو، سيبها فى البيت حتى تشم نفسك شوية".