"متسابق آراب أيدول" يرد على اتهامه بالتمثيل بعد بكاؤه على المسرح أمس

رد محمد حسن متسابق آراب أيدول ، على بعض الأشخاص الذين وصفوه بأنه يقلد أحمد جمال، أو يمثل وذلك بعد بكاؤه على مسرح آراب أيدول أمس، بعد إعلان تخطيه مرحلة الخطر.
وأوضح حسن ، ذلك عبر حسابه الخاص بموقع التواصل الاجتماعى فيس بوك قائلاً: _ أنا واحد من ضمن مليون موهبة فى بلدنا بيغنوا وعندهم حلم ومتمسكين بحلمهم _ أنا تعبت واتهنت فحياتى علشان أوصل موهبة ادهالى ربنا للناس .
وأضاف: ومن الحاجتين اللى بفكر فيهم دايما وانا على مسرح أراب أيدول ( أبويا وصحابى اللى بيغنوا وبيلحنوا وبيوزعوا وشعراء ) الحمد لله ربنا رزقنى بصحاب فنانين بجد وعندهم أفكار تخلى النجم أيا كان اسمه نجم أكتر بس مش واخدين فرصتهم ودول اللى انا ناوى أرجع ونعمل معاهم مزيكا مختلفة ومتأكد من نجاحها .
وتابع حديثه قائلاً: كلامكم ليا فى رسايلكم وتعليقاتكم خلانى اشيل حمل أكتر مانا شايله بكتيييير لما حد يقولى ( فرح مصر وفرحنا ) ولما حد يقولى ( شرفت مصر وشرفتنا ) لما حد يقولى ( تحيا مصر ) يبقى أنا لازم أكون قد المسئولية .
وختم حديثه قائلاً: كل واحد انتقدنى إن أنا بكيت أو إن أنا بقلد أو بمثل ( إقرأ الكلام اللى فوق ده كويس أوى ) قريته؟!! خليك أو خليكى فحالك بقى ومحدش يقرب من حلمنا .
جدير بالذكر أن محمد حسن، سجد على مسرح آراب أيدول باكيا بعد أن أعلن احمد فهمى، فوزه فى هذه المرحلة، وتأهله للمرحلة المقبلة.