غنيم : الثورة لم ولن تضيع ..ودولة القمع لن تعود

أكد الناشط السياسي وائل غنيم على أن الثورة المصرية لن ولم تضيع ، مشيرا"مهما حصل لن تعود الدولة القمعية مرة أخري".
وتابع خلال موقع التواصل الإجتماعى فيس بوك "الثورة مش هتضيع بغض النظر مين اللي هييجي رئيس ، ومهما حصل مفيش حاجة اسمها ان دولة القمع هترجع تاني ".
وأستطرد غينم "الشباب مش هيرجع يخاف تاني بعد كسر حاجز الخوف وسقوط مبدأ الفرعون الحاكم اللي صوره واسمه في كل مكان (رئيس الجمهورية القادم مش هياخد ثقة أكتر من 60% من الشعب) ، مؤكدا الثورة مستمرة وبتناضل وبتكسب مكاسب واضحة كل يوم ، واللي مش شايف كده يبقى بيحكم عليها من منظار ضيق .
وأضاف أدمن كلنا خالد سعيد غنيم " والثورة اساسا مضاعتش لما كان فيه مجلس عسكري معاه سلطات تشريعية وتنفيذية وقضائية فمش منطقي نقول إنها هتضيع دلوقتي ، الثورة حققت انتصارات كتيرة لو حد حكاها لأي واحد فينا من سنتين كان هيفتكره مجنون رسمي بس احنا اللي مصممين نبص في الخساير وبس .. بلاش تشاؤم يا عم انت وهو ".
وأضاف معلقا على موقفه من الإنتخابات الرئاسية "إن الثورة مش هتضيع بغض النظر عن مين الرئيس: موقفي سأعلنه بعد أن يتم إعلان النتائج الرسمية وأعرف مين ال 2 مرشحين اللي في المرحلة الأخيرة ، لحد دلوقتي مفيش مصدر رسمي مسؤول أعلن نتيجة الانتخابات ومش منطقي يكون اعتمادنا على وسائل إعلامية أغلبها مُوجّه بدون ما يكون فيه جهة محايدة لجمع النتائج الاجمالية وبدون ما يكون فيه اعلان لنتيجة الطعون ، الاستعجال بإعلان المواقف دلوقتي معناه الرضا بالأمر الواقع .. لنصبر 48 ساعة!.