عيانة بالحب

صباح الخير استاذة نيفين .. انا مشكلتي ان الحب في حياتي شئ أساسي لدرجة مخلياني عايشة في عالم افتراضي في خيالي بس وف احلام اليقظة .. اكيد هتقوليلي ياريت كل الناس كدة لكن مشكلتي ان موضوع احلام اليقظة ده اتسببلي في مشكلة خطيرة وهي ان وانا صاحية بفضل اتخيل كل الأحداث بتفاصيلها الدقيقة اللي نفسي اعيشها وانا اتعودت اعمل كدة بسبب سوء ظروفي اللي مفيش امل في حلها
لكن الموضوع اتطور الى اني ابتديت مافتكرش هوة الحدث ده بجد ولا كان من ضمن حلم من الأحلام ؟ فطبعا ده عمل مشاكل بيني وبين اهلي وبين اصحابي وبيني وبين زمايلي في الشغل بدأت اتعامل معاهم على ان الحلم اللي حلمت بيه قبل كدة انه حصل فعلا وذاكرتي مش بتفتكر تميز بين الحلم وبين اللي حصل فعلا .. مش عارفة اعمل ايه وابتديت احس اني عيانة ومحتاجة لعلاج ولا رأي حضرتك ايه ؟ ارجو الإفادة وشكرا ليكي .
لولو
فضفضة
لا خوف مما تقولين بسبب وعيك أو ادراكك لفكرة الخلط بين الحلم والحقيقة , لا أستطيع انكار ان حلم اليقظة احيانا كثيرة يتحول إلى حالة مرضية وهي عدم قدرة المريض على التمييز بين أحداث حياته التي حدثت بالفعل وبين أحداث وتفاصيل أحلام اليقظة التي يغوص في التفكير بها , في كل الأحوال انت في حاجة للإستعانة بطبيب لإنقاظ حالتك من الدخول في منطقة المرض الحقيقية . والله معك .