بالصور..أسرة شهيد الوادي الجديد :"خسارة دم الشباب اللي راح..وهنعلن الحداد من جديد"

هدير محمود




قالت والده الشهيد كتان عبد الرحمن كتان احد شهداء ثورة 25 يناير بالوادي الجديد عقب صدور حكم تبرئة مبارك وحبيب العدلي "الحكم دة حرام أحنا أتظلمنا وكنا مستنين إعدام لمبارك وحبيب العدلي واعوانه ،يعنى أحنا ربنا صبرنا السنين دة كلها علشان في الاخريحكموا عليه بالبراءة ،انا حسيت إن ابني مات ونقول حسبنا الله ونعم الوكيل".



وأكدت والدة الشهيد كتان " احنا بلدنا عمرها ما كان فيها بلطجية وأولادنا كلهم ناس غلابة ومش بيعرفوا يخربوا او يتظاهروا فى بلدهم وتعتبر من اهدي محافظات الجمهورية".



وأضافت عبير عبد الرحمن كتان أخت الشهيد " اننا نطالب بالقصاص لحق اخويا اللى راح هدر ،يعنى همه يطلعوا براءة ويتمتعوا بحياتهم واحنا نتحسر على دم اخويا اللى راح ".



وتابعة "عبير" انا لم اتابع المحاكمة ولكن فوجئت بأحد جرانى تقول لي انه تم الحكم على مبارك واعوانه بالبراءة ومن ذلك الوقت وانا منهارة ودموعي تنزل وقولت خسارة على دم اخويا اللي راح هدر هو وكل الشباب اللي استشهدوا من اجل تراب البلد ".



وتسائلت اخت الشهيد كتان " انا عايزة اعرف مين اللى امر بقتل الثوار ..والجنود اللي كانوا بيضربوا فى الناس طلعوا من نفسهم من غير ما اي حد يوجهم ..احنا بنسأل وعايزين نعرف مين اللى قتل الثوار فى يناير والحكم دة هيخلينا نبدأ حدادعليهم من جديد ".