قبل استشهاده بساعات وقبل نزوله إلى ميدان العباسية للدفاع عن المواطنين المصريين المعتصمين في ميدان العباسية والذين يموتون غدرا بأيدي لم تصبح خفية , قام بكتابة هذه العبارات على حسابه الشخصية بموقع التواصل الإجتماعي " فيس بوك " : اخر حاجه اكتبها انا منزلتش اليوم لانى عندى امتحانات بعد كام يوم كده لاكن مش مهم الدراسه ربنا مش هيسألنى على الشهاده ولاكن هيسألنى انا ليه سكت على واحد ظالم قتل اخواتى وسيبت اخواتى ليه بيموتو وانا قاعد فى البيت (احب اقول لكل اصدقائى انى رايح ادافع عن اخوانى ومش رايح اعمل اى تخريب لاى حاجه وانا لو مت عاوز كل الناس تدعيلى بالرحمه والمغفره وعاوزكم تقولو لا اله الا الله محمد رسول الله كل يوم ان مت وان عشت سأظل احارب مع اخوتى فى سبيل الله ) (اشهد ان لا اله الا الله وان محمد رسول الله ) محمود حامد ( الشهيد القادم بإذن الله ) وفعلا بعد ساعات قليلة تم قتله في أرض المجزرة على يد المعتدين على اعتصام وزارة الدفاع دون تدخل من الشرطة والجيش . و اخر ما كتب الشهيد احمد الرفاعى لمشايخ السلفية : ممكن كل مشايخ السلفية الى بيقولو انهم مع الثورة واهدفها ورفعت عنا الظلم .......الخ ممكن ينزلو التحرير بنفسهم ويحشدو الناس برهامى وحسان ويعقوب وغيرهم كتير ممكن ولا الواحد بيحلم وبيستهبل كمان علشان مقلش الشيخ فلان والعلامة وفضيلة الشيخ ممكن الحلم يبقى حقيقة وحسان يتوجه الى التحرير على راس مظاهرة ضخمة اكثر من 100 الف وممكن علماء السلفية بتوع حزب الكهربا اسف النور يلمحم يلمحم بس على اداء اللجنة الانتخابية تلميح تلميح يابشر ياعم بكار لمح ابوس ايدك حتى الهيئة الى رشحت ابو اسماعيل لم تخبرنا بموقفها من حازم صادق ام كاذب صادق موقفتش معه ليه طييب كاذب معرفتش الناس ليه عادى اختارو واحد تانى علشان لجنة الانتخابات متزعلش ؟؟؟؟هيئة كبيرة مش عرفة تنصر المظلوم وكفاية كده ونكمل بعدين لما نشوف راى اخونا السلفين . وفي فجر الأربعاء تم قتله برصاصة في الرأس على يد المعتدين وامتلأت أرض العباسية بدمه مع انهيار وبكاء المعتصمين .
