أسرار للعناية بالبشرة المختلطة

من أكتر أنواع البشرة انتشاراً وأكترها صعوبة فى العناية !
وفى نفس الوقت نسبة كبيرة من اللى بشرتهم مختلطة ما يعرفوش أن بشرتهم مختلطة أو ميعرفوش طبيعتها والعناية بها !
مبدئيا .. الصورة بتوضح 3 ألوان فى أماكن مختلفة فى الوجه للبشرة المختلطة
رقم 1 : اللون الأصفر بنرمز ليه بالأماكن الدهنية فى الوجه و هى الجبهة والانف وجانبي الانف و ممكن كمان الدقن
و المناطق دي درجه دهنيتها بتختلف فمثلا فيه ناس انفها دهنى اكثر وممكن تبقى دقنها مش دهنية
وسمة مميزة فى المنطقة 1 انها بتبقى غالبا مسامها واسعة وبيظهر فيها حبوب عند ناس كتير
رقم 2 : اللون الأزرق بيعبر عن اماكن قد تكون جافة أو عادية وهى فى الاساس الخدين
رقم 3 : اللون الأحمر بيعبر عن أماكن حساسة وغالبا بتبقى جافة وهى حول العين وحول الفم

اما عن العناية :
نستعمل غسول للبشرة الدهنية ونركز على المنطقة 1 ونخفف خالص عن المنطقة 2 ومنجيش ناحية المنطقة 3 يكفيها الشطف بس
الغسول زي مثلا Cleanance Gel, Hyseac Gel, Sebium Foaming gel

نستعمل مرطب غنى للمنطقة 2 و مرطب خفيف للمنطقة 1 أما المنطقة 3 بنستعمل مركبات ملطفة حول العين وفيه أطباء بينصحو بوضعها حول الفم كمان
المرطبات الغنية زي Atoderm Cream, Sensibio Rich أما المرطبات الخفيفة زي Atoderm milk
لو مش عايزه تشترى اكثر من مرطب ممكن تستعملى الميلك لكل الوجه
حول العين Sensibio eye contour

المياه الحرارية ممكن ترش على الاماكن كلها للتلطيف والترطيب وخصوصا لو البشرة حساسة
زي Avene thermal spring water, Uriage thermal water

بالنسبة للمقشر ننصح باستخدام Avene gentle exfoliating scrub بس نتجنب المناطق 3
المقشر مرة واحدة فى الاسبوع كفاية