زهقان من جوازة عمرها سنة

مشكلتي أني اتجوزت بسرعة جداً وده سبب مشكلتي دلوقتي ، لما اخترتها اخترت شكلها على اعتبار أن ده اول ما بتقع عليه العين واتجوزنا في حوالي شهرين ونص والمدة دي أصلا راحت على تفاصيل الجهاز والأمور دي لكن بعد الجواز اكتشفت أن طبيعتنا ابعد ما يكون عن بعض .. ميولنا وأفكارنا حتى الأحلام مختلفة وهية كمان مشكلتها أنها من النوع الساكت والصامت خالص بطبعها يعني لما أجي أكلمها في مشكلة في شغلي أو اشتكيلها من حاجة مش بترد بتفضل بصالي بطريقة مش عارف افهمها بصراحة .. ولما أقول لها ردك إيه ترد : عادي يعني انت شايف إيه ؟
طيب انا لو شايف كنت سألتها من اصله ليه !!!!!
بصراحة زهقت جداً لان طبعها ده مخليني أحس أني عايش لواحدي بل أسوأ لان لو عايش لواحدي هيبقى فيه مبرر انما هية دورها إيه لغاية دلوقتي انا مش عارف ومش عارف برضه هيه إيه مفهومها عن الجواز وعن العيشة واللي عايشينها .. هل ما اتعلمتش من والدتها أي حاجة ؟ طيب أتعامل معاها أزاي ؟ يا جماعة انا فعلا حياتي بدأت تروح لمنطقة مش حابب ادخل فيها واحنا لسة ما كملناش سنة على الجوازة الغريبة دي .. أرجو الإفادة وأرجو من أصدقاء فضفضة بعد أذنهم يهتموا بالرد علية الله يخليكم وشكرا للجميع .
[email protected]