هنيئا لك بزوجتك

السلام عليكم
المشكلة اني متزوج من انسانة حبيتها وعايشين كويس والحمد لله لكن نظرات بعض أقاربي واصدقائي لزوجتي بتضايقني لانها من أسرة بسيطة جدا وخصوصا أهلي وأخواتي ما كانوش موافقين على ارتباطي بيها علشان والدها بيشتغل مهنة بسيطة جدا وعملت مجهود خرافي علشان أتمم الجوازة ومن ساعتها محدش لا طايقها ولا طايقني وبيتعاملوا معانا بشكل سخيف ، انا مش فارق معايا الأصدقاء لكن فارق معايا أهلي وأخواتي مش معقول أبدا في كل زيارة يفضلوا يرموا كلام فيه قلة قيمة لزوجتي مع أنها والله في منتهى الأدب ودايما بتتجنب الرد عليهم ولما نروح افضل اعتذر لها عن سوء المعاملة تقولي ما تعتذرش محصلش اي حاجة .. ولما ترد علية بالكلام ده ضميري تجاهها بيعذبني اكتر وبحس بالتقصير .. مش عارف اعمل ايه ارجو المساعدة
رؤوف

فضفضة
محررة الصفحة .. نيفين حجازي
أستاذ رؤوف هنيئا لك بزوجة عاقلة .. فلا تفقد هدوء حياتك مع زوجتك من اجل هذه الأسباب .. وعززها قدر المستطاع كما اعزتك بعدم الرد امام أسرتك .. ولا تبالي بما يقال فالزمن سيثبت ان حسن الخلق تاج اي إنسان خلوق كزوجتك .. وتجنب قدر الإمكان الجلوس وقتا طويلا في زيارتك للأهل وعوض زوجتك بالمعاملة الطيبة كما تفعل معك .. ورد زوجتك عليك هذا نوع من رفض التمادي في الاهتمام بما هو غير لائق .. فابدأ انت بإهمال هذه المواقف السخيفة وانشغل بأحوال بيتك وزوجتك هم أولى بالاهتمام والرعاية وحسن العيش .. صدقني .. انسب حل لهذه الأمور هو إهمالها تماماً لكن حاول ان تجنب زوجتك اي تلميح أو كلمة جارحة وكن حنونا معها.. وتمنياتي لكما بكل الخير والتوفيق .
[email protected]