دمك تقيل‎ ..

السلام عليكم .. مش هطول عليكم عشان أصلا خايف تضحكو علية بس قلت اجرب .. انا مشكلتي في كلمتين .. كل الناس دايما بتلمحلي اني دمي تقيل وكل ما احاول اكون ابسط الاقي الدنيا بتتنيل أكتر ..
مش فاهم همة اللي حواليا همة الغلسين ولا انا اللي دمي تقيل فعلا ؟ وكل ما اتفرج على افلام كوميدي عشان احفظ كام إيفييه الناس تتساخف عليه اكتر .. مش فاهم والله همة عاملين كدة ليه انا زهقت ومضايق جدا لحسن كمان البنات يكونو حاسين بتقل الدم ده وعشان كدة مفيش علاقة بتكمل ؟ ياريت لو ألاقي عندوكو نصيحة أو رد على حيرتي في الموضوع ده
ميزو الفاهم
فضفضة
يا أستاذ ميزو فاهم من إسم حضرتك شعرت بخفة ظلك .. لا تبالي بكلام الناس طوال الوقت وتصرف بطبيعتك ليس من المفترض أن تكون كوميديان من الطراز الأول بين أصدقائك بل كن على الفطرة , في إعتقادي هي الأفضل فإن التكلف بما ليس فينا يزيد الأمور تعقيدا وهو ما وقعت به , الموضوع لا يحتاج للمواظبة على مشاهدة الأفلام الكوميدية بل يحتاج إلى البساطة , لا تتصور ان الإنسان الفكاهي فقط من يلقى إعجاب الناس , انت تساهم في تعقيد الأمور بدون أي مبرر .. جرب أن تكون على طبيعتك وانتظر رد فعل أصدقائك بالتأكيد سيختلف الأمر للأفضل .