تامر أمين يعلّق على عتاب تامر حسني ل الهضبة: «كلمة من عمرو ممكن تنهي القصة»

علّق الإعلامي تامر أمين على الجدل الدائر بين النجمين تامر حسني وعمرو دياب، بعد الرسالة التي نشرها تامر حسني واعتبرها البعض عتابًا واضحًا للهضبة.
وقال «أمين»: «مش متأكد 100% إن تامر كتب الكلام ده، ومحتاج أكلمه عشان أتأكد الأول.. القصة ممكن تعدي في ثانية، بس لأن جمهورهم كبير أوي، معدتش مرور الكرام.»
وأوضح تامر أمين خلال حلقة من برنامجه« آخر النهار»، أن العلاقة بين النجمين أكبر من أي ترند أو تفاعل على السوشيال ميديا، مشددًا على أهمية إنهاء الموقف بروح طيبة:«تامر فنان محترم، وعمرو نجم كبير، وأنا شايف إن كلمة طبطبة أو توضيح بسيط من عمرو دياب ممكن تخلّص القصة، وتامر ميخدش الموضوع بسوء نية».
وكان الفنان تامر حسني قد كتب عبر حسابه الرسمي معاتبًا عمرو دياب بعد نشر صورة له ضمن ترتيب ترندات الألبومات، قائلًا: «مش غريبة شوية لما الفنان الكبير اللي بحبه وبقدره، ينزل صورتي عنده في الستوري بكذا طريقة أن أنا رقم 4، بدليل ترتيب تريند يوتيوب اللي ألبومي كله احتله، وكنت رقم 1 في أول يوم في الأسبوع الأول من نزوله، وبرضو ناس جمعتني النتائج دي بس منزلتهاش، عموما هو ترتيب وبيتغير كل شوية لينا ولزملائنا المطربين لما بينجحوا».
وأضاف تامر حسني: «الفكرة إن ألبومي أنا تعبت فيه جدا، والناس بتتكلم عنه بكل خير ودا الأهم، فمش محتاج أعمل كده، أما لم كنت رقم 1 في 10 أيام في أسبوع نزول الألبوم هو كان تحت، احتراما ليه ولمحبيه منزلتش صورته وهو تحت، ولا نزلت خبر إن ألبومي متصدر عليه، كنت بحتفل مع جمهوري دون المساس بصورة أو اسم أي فنان احتراما لمجهوده، بس أنا مش عارف ليه هو بيعمل كده، لأنه أكبر من كده ومش محتاج يعمل كده».
التصريحات فتحت باب النقاش مجددًا حول طبيعة العلاقة بين النجمين، والتي طالما حملت احترامًا متبادلًا، ويترقّب الجمهور موقف عمرو دياب في الساعات القادمة.