راضية ذمتكم .. مش دي حاجة تضايق ؟!

صباح الخير ، المشكلة مع جوزي هوة من هواة التعالي حتى علية .. دايما عامل نفسه فاهم كل حاجة حتى في أتفه الأسباب ولما نيجي حتى نتكلم عن اللي بيحصل في البلد وأقول رأيي يتهمني بالغباء وان عمري ما هفهم حاجة .. طريقته دي في كل حاجة ودي مشكلة مضيقاتي جداً وكمان بتوترني تخليني أتكلم معاه تاني في اي حاجة .. ده كمان غير الأمور اليومية البسيطة زي الأكل .. ييجي يسألني هوة انتي عاملة ده ازاي ؟ أجي انا أساله عجبك ؟ يقولي حلو كويس بس هوة انتي لازم تفتي على طول كدة انتي تموتي في الفتي .. طيب بذمتكم مش طريقة تضايق ؟؟؟ مع الوقت ابتديت اتخانق معاه والموضوع يكبر لدرجة تخليه يسيب البيت وينزل ومش معقول كل يوم هنفضل على الحال ده ........... اعمل إيه معاه ؟؟؟؟
ش. ا
فضفضة
محررة الصفحة .. نيفين حجازي
صديقتي ربما ما يدفعه لذلك هو دخولك في جدل دون سماع كلامه الى النهاية .. هذا سبب يثير غضب الرجال عموما .. اسمعي منه جيدا وادخلي معه في حوار متوازن ولا تسربي له انك على خلاف معه على الأقل في الفترة الأولى من تغيير طريقتك المعتادة معه ، وبمرور الوقت الأمور ستأخذ ان شاء الله شكلا افضل ، أما عن الطهي فاساليه .. أليس الطعام نال إعجابك فلماذا اللوم ؟! بهدوء شديد ولا تنتظري الإجابة .. وعودي مرة أخرى لطريقة الطهي العادية حتى يطلب منك بنفسه الصنف الذي أعجبه من قبل .. بشرط لا تذكرين بالموقف القديم .. حاولي ان تعودي وتدربي نفسك على التعامل مع هذا النوع من الطباع ربما يكون الأمر صعبا في البداية لكنك في حاجة الى تسيير الأمور خاصة وان زوجك يحتاج منك شئ من الصبر ربما يمر بحالة من التوتر أو الملل مما تسبب في ما تشكين منه اليوم .. صدقيني .. أنها فترة زمنية ليست بأكثرية وستعود الأمور الى طريقها الطبيعي ان شاء الله ، كوني صبورة فهناك من المشاكل تحتاج الى معجزة وليس حلا .. أدعو لك بالتوفيق ولا تتهاوني بنصيحتي لربما بها الخير .
[email protected]