"مزيكا" توضح حقيقية تأجيل ألبوم رامى صبرى

كشفت شركة مزيكا عن قرب موعد طرح ألبوم المطرب رامى صبرى "وأنا معاه" بعد فترة طويلة من التأجيلات ، رغم أنها لم تحدد موعد بعينه لطرح الألبوم .

وقالت الشركة فى بيان لها على موقع التواصل الاجتماعي "فيس بوك" :"وصلتنا رسائل كتير من جمهور النجم رامى صبرى بتسأل عن موعد صدور الألبوم..وبتستنكر التأجيلات الكتير اللى بتحصل..وفى السياق ده نحب نوضح الأتى:

1- الصفحة الرسمية لمجموعة قنوات مزيكا هى المسئولة عن نشر أخبار الشركة..وأى أخبار على صفحات أخرى..إدارة الصفحة غير مسئولة عنها.

2- لم تقم الصفحة بنشر أى موعد لصدور ألبوم النجم رامى صبرى..وبالتالى لم نقم بنشر أى تأجيلات..وأى تواريخ أو أخبار بيتم نشرها على صفحات أخرى..إحنا غير مسئولين عنها.

3- موعد صدور الألبوم لم يحدد بعد..لأن صدور الألبوم بيكون مرتبط به إجراءات قانونية وطباعة وتصاريح وتفاصيل كتير مش عاوزين نشغلكم بيها..إلى جانب الحملة الإعلانية والتسويقية والإعلامية اللى بدأت بالفعل على الشاشة وفى المجلات..ومن بينها إعلان قريبا اللى نشرناه على الصفحة يوم 6 يونيو ..واللى اتنشر فى المجلات الشهر ده وموجود هنا على الصفحة.."نحب نعرف رأيكم فيه"

4- الشركة حريصة جدا على الاهتمام بنجومها وظهورهم بالشكل اللائق بالنجم وجمهوره اللى مستنيه..وده بياخد وقت وجهد وتعب من فريق كامل عشان نظهر فى النهاية بالشكل اللى يرضيكم وتكونوا مبسوطين به.

يذكر أن رامي صبري أعلن من قبل أن موعد طرح الألبوم الجديد "وأنا معاه" سيكون يوم 6 من الشهر الجاري ، ويضم 12 أغنيات تعاون فيها مع عدد من الشعراء والملحنين والموزعين منهم أحمد علي موسى ، تامر حسين، محمد البوغى، سادو، حسن الشافعي، طارق توكل .