وما ادراكم ما هو المساج على ايد مزة !

صباح الخير عليكم ،
مشكلتي مع السيده زوجتي هية غيورة جداً لأبعد الحدود وأنا قررت أعالج الموضوع بنفس طرق علاج الفوبيا في ألمانيا هناك بيعالجوا المصابين بكل أنواع الفوبيا بطريقة الصدمة يعني حد عنده مشكلة من الأماكن المرتفعة يطلعوه مبنى مرتفع جداً ويبص من فوق بعد ما يمدد جسمه على الأرض بطرقة معينة ده باختصار .. مش هطول عليكم .. انا اول ما قريت المعلومة دي قلت بس !! مراتي كمان أكيد عندها فوبيا الغيرة او الشك كعادة كل الستات وقررت اعالجها فبقيت عايش زي ما يكون عازب بالظبط بنات أتعرف عليهم سهر بسهر تلفون ما اردش وغيره كتير من الطرق اللي بتغيظ الستات وآخر مغامراته قررت أحجز واحدة تعمل لي مساج وجبتها البيت فعلا .. رن الجرس مراتي فتحت لقت مزة جامدة جداً بتسال علية فمن الذهول ما نطقتش غير بكلمة .. (اتفضلي ) ولما المزة اتفضلت طلعت انا من جوة لقيت مراتي واقفة بصالها مبرقة عنيها والمزة قاعدة وجنبها شنطة العدة .. لقيت المنظر كدة رحت بثقى متناهية قلت للمزة اتفضلي جوة واتفضلنا فعلا .. الغريب اوي بقى ان مراتي ما فتحتش بقها بكلمة واستنت لما خلصت المساج وما ادراكم ما المساج على ايد مزة المزز .. مشيت المزة من هنا وفجأة سمعت جاعورة اتفتحت طلقني حالا طلقني دلوقتي حالا .. طبعا بعدها ابتديت استوعب ان الموضوع فعلا كان تقيل على مراتي لدرجة أنها تطلب الطلاق وأنا مكنش قصدي نتطلق انا كان أخري هندب خناقة واشرحلها الخطة اللي كنت عاملها واني بطبق عليها نظرية العلاج بالصدمة .. وبس وعليها راحت هية اللي مطبقة علية نظرية الصدمة ومن ساعتها وأنا في مواويل ومش عارف أتكلم حتى معاها عشان اشرحلها القصة .. يا رجالة تفيدوني بايه ؟ أحسن أخوكم اتورط .
ا. ر
Fadfada@elfagr.com