الحل في البوسة

كيف حالك أستاذة نيفين لعلك بخير يارب ،
سيادتك عارفة في رسالة سابقة مني مشكلتي مع مراتي لكن طلبت أنها مش للنشر لكن المرة دي طالب نشرها لانها هتفيد الأزواج ومفيهاش خصوصية اوي ، مش هطول عليكي .
انا اكتشفت حل هايل للحد من مشاكلي اليومية مع مراتي خصوصا لما بكون غلطان ومعنديش حجة .. بقيت كل ما تيجي هية تتكلم معايا أو تعاتبني أو تبدأ يا حرام تصرخ اخدها في حضني وابوسها لاحظت في الأول رفضها بشكل بسيط نوع من الدلع وبرضه بقت مش مصدقة نفسها ههههههه لكن مع تكرار الموضوع اكتشفت ان البوسة ليها تأثير ابن لذينة جامد جداً ومنها برضه انا مستريح وبصراحة يا أستاذة انا زوج متعب لازم اعترف انا مجننها خصوصا في موضوع الغيرة لكن بجد انا بنصح الرجالة أنهم يعملوا كدة بس في حالة واحدة لو همة لسة ليهم نفس يعني الموضوع ده اعتقد ما يشتغلش مع الأزواج المعمرين فالبوسة أصلا هتبقى زي صباح الخير كدة هههههه لا مؤاخذة يا أستاذة انا بهزر لكن بجد بجد البوسة أكتشفت كمان أنها بتوفر الهدايا اللي هية بديلة الرشوة هههههه .. الرسالة خلصت ويارب الرجالة تجرب وتقول النتيجة .
ابوحميد .
Fadfada@elfagr.org