مقال ل"مرسي" يتسبب فى غلق آسف ياريس

نشرت صفحة أنا آسف ياريس على موقع التواصل الإجتماعى مقالا مهاجمة فيه نظام رئيس الجمهورية الدكتور محمد مرسي قد تسبب فى غلق الصفحة اليوم الخميس.

حيث قالت الصفحة خلال مقاله الأخير :"الناس اللي اتفاجئت أن اللي قتل جنودنا في رفح هما بتوع حماس الارهابين عن طريق الإنفاق هما نفسهم الناس اللي كانت بتهاجم الرئيس مبارك علشان كان بيهدم الانفاق وبيبنى الجدار العازل علشان يحمى أمننا القومي وقالوا عليه سعتها عميل –هما نفسهم الناس اللي مسمعوش تحذيرات الرئيس مبارك من العناصر المندسة والارهابين وسط المتظاهرين و وقالولك بيهددنا ياهو يا الفوضى ".

وتابعت الصفحة : هما نفسهم الناس اللى كذبوا شهادة اللواء عمر سليمان عن حقيقة فتح واقتحام السجون وتهريب عناصر حماس والإخوان المسلمين من السجون فى أحداث يناير - هما نفسهم الناس اللي قالوا أن ظباط الداخلية هما اللي فتحوا السجون وهربوا المساجين علشان يدخلوا البلد فى فوضى- هما نفسهم الناس اللي حللوا في يناير حرق الأقسام واقتحام السجون وقتل ضباط الشرطة – هما نفسهم الناس اللى ضحكوا على الشعب و قالوا ثورتنا سلمية - وهما نفسهم الناس اللي عصروا على نفسهم لمون وانتخبوا محمد مرسى علشان بينهم وبين شفيق دم- هما نفسهم الناس اللي اتصدموا دلوقتى لما عرفوا أن الرئيس اللى عصروا على نفسهم لمونه علشان يجبوه يحكم مصر هو نفسه الرئيس اللي هربتوا حركة حماس الإرهابية من سجن وادي النطرون في يناير اللى هى نفس الحركة اللي قتلت جنودنا وهما صايمين وفى رمضان فى رفح..! .

وإختتمت الصفحة : ياترى شكلكم دلوقتى أية قدام الشعب كله لما تعرفوا أن اللى قتل جنودكم وهما صايمين فى فرح هما أصحاب محمد مرسى اللى هربوه من سجن وادى النطرون فى يناير..!؟