تهديد صريح بالقتل..ملازم أول لألتراس اهلاوي : بلاش تعمل حاجة عشان بابا ميطلعش يقول ابننا "شهيد"

تهكم ملازم اول محمد حجازي على دعوة ألتراس أهلاوي بالتظاهر يوم 9 مارس أمام وزارة الداخلية.

وتابع الملازم خلال تغريدة له نشرتها الصفحة الرسمية للشرطة الرسمية : يوم 9 مارس مكتوب على كل حيطة من الالتراس اهلاوي حسابنا مع الداخلية ، مضيفاً كلام جميل جدا جدا .

وتابع الملازم محذراً : ماشي طيب ممكن من دلوقتي تحذير لكل واحد من التراس اهلاوي لسه بياخد مصروفة من بابا بلاش تعمل حاجة عشان بابا وماما ما يطلعوش في التليفزيون يقولوا ابننا شهيد ، وتحذير بردة لاهالي التراس لو انت مش عارف تحكم ابنك من انهاردة ما تزعلش عليه ، معللاً لان جهاز الشرطة مش بتاع شوية عيال زعلانين من القضاء يبقة نروح نضرب في الشرطة.

وتابع مطالباً : لو سمحتوا لكل اب وكل ام احكم ابنك في البيت عشان خاطر انت صرفت على ابنك كتير وانا اهلي صرفوا عليه وعندي اطفال مش ناوي اسيبهم عشان انت مش عارف تحكم ابنك