الجهاز الإعلامى للداخلية: مش عارف تحكم ابنك ما تزعلش علية لان الشرطة مش بتاع شوية عيال زعلانين

نشرت الصفحة الرسمية للجهاز الإعلامى لوزارة الداخلية رسالة من الملازم أول محمد حجازى حملت كلمات تهديد عنيف لافراد التراس اهلاوى قبل حكم المحكمة يوم 9 مارس بشأن القصاص لضحايا جماهير الأهلى .
وجاء نص الرسالة كالتالى :
"مكتوب على كل حيطة من الالتراس اهلاوي حسابنا مع الداخلية كلام جميل جدا جدا .. ماشي طيب ممكن من دلوقتي تحذير لكل واحد من التراس اهلاوي لسة بياخد مصروفة من بابا بلاش تعمل حاجة عشان بابا وماما ما يطلعوش في التليفزيون يقولوا ابننا شهيد .. وتحذير بردة لاهالي التراس لو انتة مش عارف تحكم ابنك من انهاردة ما تزعلش علية لان جهاز الشرطة مش بتاع شوية عيال زعلانين من القضاء يبقة نروح نضرب في الشرطة لو سمحتوا لكل اب وكل ام احكم ابنك في البيت عشان خاطر انتة صرفت على ابنك كتير وانا اهلي صرفوا علية وعندي اطفال مش ناوي اسيبهم عشان انتة مش عارف تحكم ابنك