ثورة جنسية

صباح الخير
مشكلتي غريبة من نوعها , مش عارف , انا عندي 30 سنة بالظبط ومتجوز من سنة ونص .. أول ما إتجوزت كنت طبيعي والحمد لله من الناحية الجنسية يعني تقريبا آدائي في المعدل العادي بتاع الناس ومتوافق مع مراتي والحمد لله معنديش مشاكل معاها لا في الموضوع ده ولا في حياتنا لكن المشكلة بدأت من بعد الثورة بشوية وكل ما الضغوط تزيد وإنفعالي مع الأحداث يزيد حالتي الجنسية تزيد معاها على عكس كل الناس ودي حاجة غريبة في إعتقادي هوة المفروض الواحد لما بيتنكد ويتغم بالمنظر اللي انا فيه ده يحصل معاه العكس أو على الأقل أفضل زي ما أنا فالموضوع دة بقى عامل مشكلة مع مراتي هية مبقتش قادرة تستحمل الهوس الجنسي اللي حصل معايا والمصيبة بقى إنها إبتدت تتهمني بإن في أول جوازنا أكيد كنت بخونها وعلشان كدة كان أدائي عادي وأن أول ما الظروف إتغيرت بسبب اللي بيحصل في البلد أنا إتلميت فرجعت لطبيعتي والحقيقة أصلا إني لا كان لية علاقة بغيرها لا أول الجواز ولا دلوقتي انا بحبها وبعدين احنا نعتبر عرسان جداد بقالنا سنة ونص بس لسة الواحد ملحقش يمل لدرجة تخليني ألعب بديلي ومحصلش والله فبدل ما أشوف حالتي العجيبة دي بقيت ألم على شك مراتي فية , وانا كمان بقيت تعبان مش ملاحق شكلي هتجوز تاني , ولا أروح لدكتور ولا ده عادي والله ما بقيت فاهم .. بعدين موضوع الهوس الجنسي ده صحيح حاجة رائعة وممتهة لكن انا نفسي تعبت وببقى مش قادر أخرج من البيت وبتأخر على شغلي لإني بقيت حاسس إني محتاج ممارسته أكتر ومدد أطول ,, ولو فضلت بالمنظر ده أكيد مراتي مش هتعمر مهايا وانا هفيص بدري بدري انا في عز شبابي لسة يا جدعان … حد يقول لي الموضوع ده عادي ولا دي مشكلة صحية ولا ايه ومتشكر
أ . أ