محمد عبد العزيز يكتب : يمامة بيضة

بشوفها زي يمامة بيضة جياني
راسمة علي جناحها
خريطة لكل احزاني
وفي عنيها
دمعة حب علشاني
جريتلي بالمشوار ..............ملهوفة لاحضاني
عدت مدن وبحار................رجعتلي من تاني
هربانة من الصياد بتقولي احميني
والتفت عنها
والقاها هي اللي حمياني
انا اللي يوم بعتها......... وهي شرياني
انا اللي ضيعتها ...... ولسة لماني وضماني
ومن نزيف جرحها.... بيتغذي شرياني
قوليلي اغيتك كيف...... وفي الاصل انا الجاني
سنيت سكينك بايدي
ووقفت اشاهدهم
والخوف بيجري في وريدي
وسكوتي مساعدهم
يا حلوة سيفي قصب
وحصاني ده من خشب
لا هقدر احميكي
ولا هقدر ابعدهم
وايه اللي جبرك تنتظريني عام ورا عام
وانا اللي تايه بين ضجيج وزحام
وخنقوني فيكي واندست بالاقدام
قتلوا فيا المعني والفكرة
دبحوني جواكي ودفنوا امل بكرة
امشي وسبيني
عايش مع الذكري
اتركيني وارحلي
فانا ويأسي لا يمكن بيننا انفصام
اتركيني وارحلي
فاني لا اقوي حتي علي رد الكلام
اتركيني وارحلي
فاني جريح اني ذبيح اني حطام
واهي واقفة علي الشباك لسة بتستني
تبص لعينيه وتحلم وتتمني
لحضني تاني تعود
ومن تاني تتهني
وتندهني بصوت مخنوق ....من جوه اوجاعها
ويا ريت ياقلبي تفوق.... وكياني تسمعها
انت اللي باقي طول ما انا باقية
ايدك في ايدي ندور الساقية
تشدلي ضهري ونقوي عل اللي جي
نزرع قلوب الناس دي عدل وضي
تطرح سنابل فرح فكل حارة وحي
ننشر خيوط الحق فكل ركن بعيد
يرجع شعاع الفجر في المواعيد
ايدك في ايدي ده بكرة جي العيد
جه انت شراع مركبي....... وفي ايدك الدفة
هتزفني فموكبي .....وراح تعدل الكفة
ماتقولشي مات الامل
او حتي صابني الملل
قوم حي علي الكفاح
قوم حي علي العمل

zizo