جوزي مزاجه عفش

مساء الخير أستاذة نيفين انا اترددت قبل ما أبعت مشكلتي لكن قلت ما بدهاش لا بد من اني اعترف ان جوزي ذوقه عفش .. إحنا بقالنا سبع سنين متجوزين واحنا الاتنين والحمد لله من مستوى اجتماعي مرتفع وأصحاب مهن محترمة ومرموقة .. من غير ما أطول عليكي المشكلة في طلبات جوزي مني في البيت الخاصة بطريقة اللبس والماكياج والكلام والتصرفات .. كلها رايحة في سكة بلدي جداً شغل خدامين ونفسي افهم ايه مزاجه في العفاشة دي .. انا طبعا اتكلمت معاه كتير لكن لقيت رد فعل عجيب اكني ما قلتي حاجة ولو لبست هدومي اللي ذوقها اصلا محدش يختلف عليه لانها من أرقى بيوت الأزياء تبقى ليلة ملهاش لازمة ،، انا بصراحة مش عارفة أعالج الموقف ده ازاي .. ارجو الإفادة وشكرا
م. ا
فضفضة
محررة الصفحة .. نيفين حجازي
سيدي الجميلة .. ذوق زوجك ليس قبيحا كما تظنين .. كل الموضوع ان التغيير مطلوب من حين لآخر والرجل ملول بطبعه .. اعتبري نفسك في حفلة تنكرية الا تذهبين الى حفلات تنكرية في يوم ما ؟
لا تنسي ان الزوج كالطفل المدلل .. يدلل من والدته وأخته ثم زوجته .. لا تقطعي على نفسك طريق العودة فربما تستمتعين بطابع مختلف عن ما تعودتين عليه ويكون التغيير في صالحك انت أيضاً .. جربي