برقع حياة" رسالة أحمد ياسين لفتيات الليل

البسى برقع حياه
واوعى تنسى انك فتاه
مدى ايدك مره واحده
وامسكى طوق النجاه
متقوليش مش قادره اعيش
حالى صعب مفيش فلوس
واوعى تقبلى تبقى جاريه
ف زمان مليان وحوش
لسه فى في الدنيا خير
لسه فيه بشر كتير
كله طيبه وقلبو كبير
بس حاولى التغيير
متقوليش سر انحرافك
هو ظلم الناس ليكى
فى غيرك راضيين بحالهم
بس مدى انتى اديكى
مجتمع ظالم ولكن
انتى ظالمه انتى كمان
اصلك انتى بعتى جسمك
وقولتى انك فى الامان
حاولى يوم انك تتوبى
واحلمى يوم بالجنان
دانتى حره اتخلقتى
ليه بقيتى انسان جبان
ادعى ربك وتوبى
بس دلوقتى اكيد
واوعى تنسى ان موتك
يبقى اقرب من الوريد
نفسى اشوفك واحده طاهره
وابقى بيكى فى يوم سعيد
البسى برقع حياه
توبى لله من جديد
على خواطر وهمسات
انجز وابعتلى لينكه
وخد كمان واحد اهه
خالد صلاح يكتب : بتعدى ايام
بتعدي أيام ..
وأنا ما بضربش رقمها على التليفون
ومش فارقة معاها كتير
وأنا عايش في حلم كبير
بقول بكرة ياض هتحن !
وعدى يومين ف التالت ف الرابع
وهى ولا محتارة من غيبتي
ولا بتسأل ومستنى رنتها على التليفون
وعايشة أيامها ب"العادي" وبالضحكة
ورافعه شعار أنا قلبي أصلا ميت
ولا عمرها فكرت ف يوم تصحيه
وأنا قلبي زي الطفل اللي بيعيط
على شوقه وحنينه إليه
بتموت بإيديها إحساسها
ولا عارفة إني ما بين ناسها
الوحيد اللي عاشقها
وبتمنى اليوم إللي تيجي أيدي في إيدها
طب أدي لنفس فرصة ولو مرة
تحني إليا زي زمان
وأكون مرة ولو ع البال
ومتقوليش ده كان لعب عيال
ويشهد عليا البحر وأيامه
إني غير ما عشقت يا بنت الناس
ما تفهمي الحكاية يا زي حرف النون
في شده وفي ضمته وفي لحظة السكون
أنا غيرك مش هقبل حبيب في قلبي راح يكون