محمود سعد ل"مرسى": إحنا بنقول رأينا ومش هنخاف منك

تعليقا على تصريحات الرئيس محمد مرسي لقناة "سي إن إن" الإخبارية، والتي قال فيها "نسير معا إلى الحرية الحقيقية والديمقراطية والرفاهية"، قال الإعلامي محمود سعد ساخرا: "إحنا فعلا بنتمتع بأزهى عصور الرفاهية، بدليل إن آخر واحد تم تحويله للمحاكمة هو جمال فهمي وكيل نقابة الصحفيين، دي حاجة مش قليلة".

وتساءل سعد، عبر برنامجه "آخر النهار"، على قناة "النهار"، "إزاي هذا الرجل الطيب الهادئ اللطيف، ومن كان مواطنا عاديا من كام شهر بيمشي في الشارع ويركب المواصلات، إزاي مش مستحمل حد يتكلم عنه كلمة، ده حسني مبارك نفسه، الناس كانت بتتكلم عنه، ولم يتعرض للصحفيين سوى إبراهيم عيسى وعفى عنه".

واضاف محمود سعد "إحنا مش هنخاف لا أنا، ولا باسم يوسف ولا جمال فهمي ولا منى الشافعي، إحنا مش مجرمين، إحنا بنقول رأي".