حادث منفلوط....... شاعر العامية " محمد بغدادى "

لما اترفع
أمى أوام جتنى
ندهت ياواد يا خميس...
صحتنى...... لعبتنى
ومنها اتهريت تقريص ....
قالتلى يلا المدرسة
وعبال ماحضرلك فطار
صلى والبس هدمتك
وهات فى ايدك شنطتك
يارب اشوفك عريس...
وبأعلى صوتى بقول
انا يامه عايز انام
ابويا قال معقول
وجه فى ايده حزام
خلص الحواااار
واخدت جوز اقلام
وركبت فى الاتوبيس.
.
******
بس القدر والموت
فى مركز منفلوط
بالمندره بأسيوط
واتسمى بالكوابيس..
. يا عااااامل المزلقان
خلتنا موتنا فطيس ...
رجليا عالقضبان
والباقى فى الأتوبيس ...
ورويت بدمى المكان
والشنطة والكراريس ...
ازاى اكون انسان
ويلملمونى فى كيس.....

*******
ومشيت وسايب ذكرى جوا البيت
صورتى بقيت بس انا ما بقيت
وأمى حضناها ونازلة صوييييييت
الحيلة راح !!!!؟؟؟
ياخى يحرق التدريس....

******
جاااااااااااوبونى هسأل "" س"
اللوم يكوم على مين ؟؟؟!!
عالعامل اللى فى نوم غرق
مهو من سنين غرقان
والنار فى قلبه بيتحرق
اكتر من الدخان
بيدارى راتبه مابين مراتبه
فى الشهر مية... متين

ولا أبويا عشان غصبنى
اروح وضربنى كمان قلمين

*******
اللوم يكون على مين ...؟؟؟!!!
عايز جواب بالعقل
نلوم فى سكة حديد
ولا فى وزير النقل
ولا فى رئيس وزراء
العيب فى مين يارئيس ...؟؟

*******
عالثورة فاتت سنة
والتانية جاية كمان
بحكم على وضعنا
ياخونا بالبطلان
كدة زى جواز عتريس ...
*******
بكتب رسالتى بدمنا
ماتسكتوش على حقنا
والحادث اللى حصلنا
شيروه عالفيييييييييس .....

أقل شئ نقدمه لهؤلاء الأطفال الأبرياء وربنا يصبر أهلهم ويصبرنا جميعاً على حال مصر .... ياااااارب أمين