تويتر يغرد بعبارات ساخره بعد حادث " سيتى ستارز "

مشاجرة عادية أمام سيتي ستارز، تثير هلع الفتيات عاشقات "الشوبينج" ليتحول الأمر لسخرية شديدة من شباب تويتر على الفتيات القلقات على سيتي ستارز:

- دي مؤامرة على هيبة سيتي ستارز
- لااااااااااااااااااء سيتي ستارز خط احمر يا كلاااااااب.....خدوا كل حاجه و سيبو السينما...و الفشار
- أراهن بكل فلوسى اللى لا املكها حالياً .. نص اللى واقفين هنالك مستنين الإقتحام مش نازلين يحموه
- وجود طبق طائر فوق سيتي ستارز و كائنات فضائية لبسة اسكيني و بنات من الجنس الفضائي لابسة من إتش آن إم و تهديد في خان الخليلي
- هو سيتي ستار ده المبني الفخم اللي فتح جديد في مدينة نصر ؟
- أنا واحد صاحبى ساعة فرقة المارينز دى مانزلت يوم جمعة الغضب ادام سيتى ستارز حط صورتهم خلفية عنده عشان يحس بالامان
- حمدي بدين: معندناش سيتي ستارز اصلا
- بالشفا ماله سوق التلات
- ائتلاف شباب سيتي ستارز: اعتصام مفتوح في الفوود كورت ولجان شعبية لحماية زارا.
- كمية الناس اللي خايفين علي سيتي ستارز لايحصله حاجة لا تصدق
- اللي هيقرب من برجر كينج هيزعل مني جامد أنا بقولكم أهو
- اعملوله صفحة احنا اسفين يا سيتي ستارز
- نحب نطمن البنات اللي هلعت عشان سيتى ستارز .. سيتى ستارز كويس يا حبايبى
- مسيرة نسائية تتجه إلى مزايا تهتف "متعبناش متعبناش .. الميكب مش ببلاش"
- قطيعة.. طب البنات هاتتسوق فين دلوقتي
- سيتي ستارز بيتحرق, هيه.. سيتي ستارز بيتحرق, هيه
- وهما إيه اللي وداهم سيتي ستارز اصلا ؟
- بمناسبة سيتى ستارز بقه ، المكان ده بالنسبالى شئ بغيض جدا و ببقى متكدر آخر حاجة لما بضطر ادخله للضرورة
- طب حد يسألنا خيرى او لميس الحريقه امتى طيب ؟؟ هلحق افسح العيال يوم الجمعه قبل الاضراب ولا ايه
- بكرة في مسيرة من الفود كورت لحد السينما الي فوق... نرجو النش
- سيتى ستارز طلع نقطة ضعف الشعب المصرى
- انه الطرف التالت الذى يريد العبث بمركز التسوق و مكان لهونا زيتى زتارز
- عايزين لجنة تقصي حقائق
- لما انتو عملين كده على سيتى ستارز اومال لو مول العرب حصله حاجة هتعملوا ايه