قرف الهوانم

السلام عليكم ورحمة الله
أنا زوجة بقالي 6 سنين مش هشكر في نفسي لكن بما يرضي الله هقول لكم رأيه هوة فية ،،، بيقول اني زوجة هايلة ومش هيلاقي ضفري واني مش مخلياه محتاج حاجة .. طيب جميل .. فجأة اللي شايفني هايلة اكتشفت انه ماشي في مشروع جوازه تانية ولما واجهته مقدرش ينكر عشان اديتله دليل تأكدي من الموضوع وانا تحت اي ظرف من الظروف مش هقبل ضرة وفي نفس الوقت مش نافع اطلق عشان الأولاد وعشان أنا تعبت معاه جداً لغاية ما وصل للمركز اللي هوة فيه انهاردة ،، ومش معقول أبدا ولا حق ربنا ان الهانم الجديدة تيجي تاخد كله على الجاهز ماهو مش القرف ليه والهنا للهانم ... ياريت تردوا من غير تحيز.
م. السبيلي

فضفضة
محررة الصفحة .. نيفين حجازي
سيدتي الفاضلة .. مثل هذه الامور لا تحل بالانفعال بل بالهدوء كي لا ننسى شرع الله .. ربما رأيي يخالف رغبتك لكنك القيتي على عاتقي مسئولية الرد وفي رأيي ان شرع الله الافضل لكل الاطراف حتى وان بدى عليه الإساءة من وجهة نظرك وهو اما ان تقبلي بوجود ضرة على حد تعبيرك ان كنتي حريصة اكثر على مصلحة أبنائك او تطلبين الطلاق وهذا حقك الشرعي .. بينما دخولك في مشاكل وانتقام ورد كرامة لم تربحي شئ بل على العكس ستخسرين الكثير واهم هذه الخسارة الصحة النفسية لابنائك ولا تنسين في زحام عنادك مع زوجك ان من واجبك الحفاظ على صورة الاب امام أبناؤه مهما بلغ خلافكم فليس لهم ذنبا فيما يحدث .. قد أجبت عليك بما يرضي الله ويرضي ضميري وتدبري أمرك جيدا قبل الدخول في منطقة مظلمة يصعب الخروج منها
وفقك الله