أحمد حسن راؤول يكتب : هفتح دماغك | " أدهم ".. المصري الذي هز العالم

شاب عادي ولد عام 1898م بالبحيرة من عائلة غنية إلى حد ما ولا يحتاج أموالا أو سلطة أو جاه حيث أن عائلته كانت ذات صيت ومكانة , شاب مصري أصيل بجلباب وعمة وجزمة فلاحي وكستور تحت الجلابية وإيدو مشققة من الفلاحة ..

عاش في عصر الإحتلال الإنجليزي ورفض عقد صفقات معه أو كسب أموال كثيرة مقابل بيع أهل بلده واستعبادهم – كما فعل أغلب الأعيان – وبدأ في الجهاد من أجل حقوق أبناء وطنه ..

قاموا بتشويه صورته وتخوينه وقالوا عنه " حرامي " وقاتل وبلطجي وهجام حتى ينفض الناس من حوله ولا يصدقوه ولا يساعدوه ..

حتى تم تلفيق تهمة له بحيازة مخدرات وتم سجنه بمعونة الضباط الخونة والقضاء الفاسد .

فكان قائدا للمساجين وكان زعيما لحركة تمرد المساجين على الإنجليز وقال كلمته المشهورة :
" إنتم محبوسين زي الفراخ وإخوانكم بره بيضربوا بالرشاشات "

وانتقم منه الإنجليز وقتلوا عمه , فعندما علم هرب من السجن مع مجموعة من المساجين ظلما وقاد حركة ضد الإنجليز وانتقم من قاتل عمه , ولم ينس حق الفلاحين الفقراء ووقف ضد الإنجليز ولم يخف أن يسجن مرة أخرى , وأصبح بطلا يهابه جميع القادة الإنجليز ولم يستطع عليه أحد .. ولكن ..
" لا يموت الحلم المصري إلا بالخيانة "

قام الإنجليز باللعب على أحد الجنود المصريين الفقراء الغلابة وهو " الهجان محمد خليل " وأوهموه بأن أدهم خائن وبلطجي وهجام وخطر على أمن البلد , فصدقهم وقتل أدهم بتكليف منهم فتوفي الشرقاوي عام 1921م ..

وانتهت اسطورة بطل مصري وقف وحده ضد الإحتلال ليصنع ضوءا للأجيال المصرية إلى عصرنا الحالي ..

المفاجأة ..

قم بحساب موعد ميلاد أدهم وموعد وفاته ..
لقد توفي ادهم الشرقاوي وعمره 23 عاما , هذا البطل المصري صاحب التاريخ والبطولات والذي كتبت عنه قصص وروايات وأفلام ومسلسلات وتحدث العالم كله عنه مات وعمره 23 سنة .. " حاسس بإيه دلوقتي "

أكلمك بالمصري بقا ..

استغربت صح ؟ حاسس إنك قليل أووي ؟ حاسس إنك ولا حاجة جنبو ؟
حاسس إنك أوقات وقفت مع الظلم وموقفتش ضدو ؟
حاسس إنك ماقولتش للظلم لأ وفضلت ماشي جنب الحيط وسكت وقلت أنا مالي ؟
حاسس ان عمرك ضاع ومعملتش فيه حاجة تشرفك وتشرف أهلك وبلدك ؟
حاسس انك خنت ناس كانوا زي أدهم ؟ حاسس إنك ساعدت في تخوين ناس كانوا أبطال ؟
الوقت لسة قدامك .. ابدأ .. فكر .. استعين بربنا .. خد خطوة حالا وانت بتقرا المقال ..
اكتب الخطوة في ورقة دلوقتي .. واكتب تحتها والله لأوصل للحلم ده .. ها صدقت نفسك .. ابدأ بقا
" هيكرهوك .. هيستهزأوا بيك .. هيحاربوك .. هتتأذي .. هتقع ساعات .. هتقوم تاني .. هتنتصر .. هتبقا قدوة "

نصيحة أخيرة ..
كن أدهم الشرقاوي .. ولا تكن .. الهجان محمد خليل