مظهر شاهين: حادث التحرش فخ إخوانى للانتقام من المرأة المصرية ولإحراج الرئيس

أكد الشيخ مظهر شاهين، إمام وخطيب مسجد عمر مكرم، أن "مؤامرة التحرش مقصودة والتوقيت مقصود"، ووصف ما حدث بأنه فخ والمصريون وقعوا فيه، لافتا إلى أن "كل ما حدث انتقام من المرأة المصرية ولإحراج الرئيس عبد الفتاح السيسى وخلق أزمة لخطف الأضواء من حفل التنصيب وإفساد فرحة المصريين".
وقال شاهين، عبر صفحته الرسمية على موقع التواصل الاجتماعى "فيس بوك": "لما احنا عملنا 100 مليونية وكنا في التحرير قبلها بيوم وما حصلش حاجه من دي.. جريمة إخوانية متعمدة ومدبرة.. اللي صورها إخواني من رصد واللي فعلها مدفوعو الأجر زي اللي كانوا بيهاجموا وزارة الداخلية في محمد محمود.. برده مدفوعي الأجر".
وأضاف: "وللأسف وقعنا في الفخ.. عموما أطالب بتوقيع أقصى العقوبة على من يثبت اشتراكه في هذه الجريمة.. وشكرا رجال الشرطة.. بس فيه علامة استفهام: هم فين بتوع حقوق الإنسان من اللي عملوه رجال الشرطة؟؟ هو ده برده ما يستحقش منهم تعليق وتكريم.. ولا هم بس شطار في جلدهم وتضخيم أخطائهم واللطم وشق الهدوم لو شرطي منهم غلط أي غلطة.. ولما يعملوا حاجة كويسة الكل يبقى أعمى وأصم".