حسام الدين محمد يكتب: يدوبك تلحق ... مستقبلك

ياااااااااااا دى السكة دى طويلة أوى !!!
انا بقالى زمااااااااان ماشى بدور على مستقبلي بجد بجد نفسى أوصل ؟
- طيب هو انت تعرف أنت رايح على فين بالضبط لمستقبلك ؟؟؟؟
ايه ؟؟؟ مين اللى بيتكلم ؟ مش مهم المهم سؤال جامد جدي بجد تصدق محتاج أعرف
- أنت لسه بتفكر ؟ لااااااااا اسيبك أنا يدوبك تلحق !!
لا متسبنيش كده قولى أعمل ايه ؟ أنا عايش بقالى كتير وماشى من زمان وعاوز أوصل
ناس وناس :
فى ناس كتير عايشة حياتها كده ، ماشية وخلاص ، ايوه عارفة يعنى ايه مستقبل ، وعارفة يعنى ايه هدف ، وبتنجز كتير وبتعمل اعمال كتيرة جدا ، بس فى الاخر مش عارفين رايحين على فين.
وناس تانية ماشية فى سكتها وبتعمل لذاتها وبتغيرها صح بس للأسف كل ده علشان يضيعوا شوية وقت .
أفراد التجديد :
فى وسط الناس دى بقى اللى ماشية وخلاص فى بعض الناس عايشة لهدف وعارفة مستقبلها كويس وبتستخدم مهارات صناعة المستقبل صح ( جامدة أوى مهارات صناعه المستقبل دى هههه ) المهم فكرتنا من المقالة دى اننا نعرف سر من أسرار المهارات دى ، الناس دى فعلا هما الرواد يصبح المرء كبيرًا عندما ينجز الاعمال الكبيرة ، ويصبح المرء أشبه بالأموات عندما لا ينجز الاهداف الصغيرة ، أما الرواد فمهمتهم هي شق الطرق في الأماكن الوعرة حتى يمضى وراءهم الكبار والصغار ، بالاخلاص والصدق والمثابرة والعزم يمكن المرء ان يجد نفسه منهم .
لغة أفراد التجديد :
الجديد فى حياتنا هو روح الحياة وكلما كشف الانسان عن الجديد صنع حياة جديدة وسرت الحيوية فى لحظاتة وتلذذ بانتعاشة غريبة تجعله منتشيا هانئا مقبلا على غده بنفس تواقه لمستقبل أجمل ..
الله على الجمال بجد هو ده التجديد والشخصيات المجددة هى من تشعر بهذه الكلمات لان بجد اللى بنشوفه من ضيق وعدم شعور بالمتعة بالحياة سببها عدم التجديد ، فالكون اساس التجديد فكيف بالانسان ومن أهم اسباب نجاح الافراد المجديدن فى الحياة شعورهم بالحديث النبوى عن النبى صلى الله عليه وسلم ( إن الله يبعث لهذه الأمة على رأس كل مائة عام من يجدد دينها )
أما الآخرون فيعيشون لأنفسهم ويقولون بعد فترة من حياتهم وبعد ما يمشوا فى طريقهم لمستقبلهم
( سأعيش من أجل شخص واحد !!! نسيته من سنين وأخطأت فى حقة كثيرا هو أنا )
أكيييييييييييييد احب اقول طيب يدوبك تلحق ... لو عايز تعيشها كده ابقى قابلنى .. ده احنا عاملين ثورة يا جدعان ههههههههههه
كيف تكتسب مهارة التجديد :
فيه طرق كتير لو أستخدمتها صح وصلك للتجديد بجد ..
اولها : العمل الدائم : العمل هى الاداة الى بتحول الأمانى الفارغة واللى ملهاش اى ملامح لواقع ملموس وهدف يمكن تحقيقه غير انه هو الشئ الوحيد بيدفع الشباب للطموح ويرفض التقليد للأعمى .
ثانيها : البداية من النفس : التجديد نابع من داخلنا فنقطة البداية هى نفس غيرها بقدر المستطاع.
طب وازاى أغير نفسى بقا ، لا دى كلام كتير هابقى اقولولك فى المقالة الجاية هههههههه بس الاهم حدد سلبياتك وحاول تقضى عليها
ثالثها : حالك مع الله :
فالافكار الابداعية هى أفكار ربانية لأنها منحة الله للمشغول وهدية الله لكل عامل للمجد وصاحب الانجاز ولكى تصبح من أصحاب هذه المحن توكل على الله دائما .
رابعها : الانفتاح على العالم والمجتمع :
ومعناها هى إسعاد الآخرين واسعاد نفسك من خلالهم فعن اكبر مكسب فى المجتمع هذه الفترة هى العلاقات وكسبها .
كيف تحقق التجديد :
1-ممارسة هواية مفضلة لديك دائما
2-قضاء وقت ممتع وفى الأماكن التى تفضلها ومع من تحب
3-وضع برنامج يومى متجدد فى تجديد عن روتين حياتك.