تحقيقات في النيابة.. تطور مثير بأزمة ابن محمد رمضان وزميله بنادي نيو جيزة

تستمع الآن نيابة أكتوبر أول لأقوال دفاع الفنان محمد رمضان في اتهام نجله بالتعدي على زميله في نادي نيو جيزة بعد خلاف بينهما.
وتجري النيابة العامة بأكتوبر تحقيقات موسعة في اتهام سيدة لابن الفنان محمد رمضان بالتعدي بالضرب على طفلها أثناء لعبهما داخل نادي شهير في مدينة 6 أكتوبر.

ابن محمد رمضان متهم
وطلبت النيابة استدعاء السيدة والدة الطفل لسماع أقوالها إضافة للاستماع لأقوال الطفل المتعدى عليه على سبيل الاستدلال وبيان وجود تقرير طبي بالإصابة التي لحقت به من عدمه.
واتهمت السيدة ابن محمد رمضان بإصابة ابنها بعد التعدي عليه بالضرب في نادٍ شهير ب6 أكتوبر.
تم تحرير المحضر اللازم وأخطرت النيابة العامة للتحقيق.
تلقت مديرية أمن الجيزة إخطارًا من شرطة النجدة بإبلاغ مدير شركة إعلانات وبرفقتها ابنها، 11 عامًا بتعرض الطفل للضرب في ناد شهير ب6 أكتوبر، وأشارت والدة الطفل في بلاغها بقسم شرطة أكتوبر إلى أن ابن محمد رمضان نشبت بينه وبين ابنها مشاجرة فقام ابن محمد رمضان بضرب ابنها في وجهه، ما أدى لإصابته بكدمة ما دفعها للإبلاغ عن الواقعة.
تم تحرير محضر بالواقعة، وأخطرت نيابة أكتوبر لمباشرة سير التحقيقات.

ضرب ابني في وشه.. تفاصيل مثيرة بمشاجرة نجل محمد رمضان ب ناد شهير
العيال يتخانقوا والكبار يتورطوا.. محضر ضد ابن محمد رمضان


متعرفش انا ابن مين
وقال والد الطفل المعتدى عليه: "الحقيقة الموضوع عبارة عن مشادة بين أطفال، هو في الأساس موضوع بسيط، لكن اتقال فيها كلام من عينة متعرفوش أنا ابن مين؟ وكان ابني ومجموعة من زملائه بيلعبوا عند الألعاب المائية "أكوا بارك" تقريبا حد خبط في ابن محمد رمضان ابني تدخل يحوش بين الاتنين، الولد التاني قاله انت متعرفش أنا ابن مين؟ والأطفال حصل بينهم تلاسن بسيط وتجاذب بالأيدي برضه بسيط".
وتابع والد الطفل: "ابني ابتعد وعلى ما يبدو الطفل التاني اتصل بوالده، في الحالات دي أعتقد فيه قنوات تتبع العرف والأصول والأهالي تقعد مع بعض أو ولي الأمر يتكلم مع الطفل بالحسنى ويلجأ لإدارة النادي، لكن ده محصلش، ابني بعد المشادة مشي، ابن محمد رمضان جري وراهم وفتح فيديو ويشاور على ابني وأصحابه ويقول هما دول، الولد تتبع ابني وقفل عليه باب الحمام من بره بكرسي زي ما بنشوف في الأفلام، وده شيء خطير جدا احتجاز إنسان، وفي هذه الحالة احتجاز طفل دون وجه حق ويعاقب عليه القانون، هل ده تفكير طفل، هسيب الموضوع ده للنيابة، حد من أصدقاء ابني تمكن إنه يخرجه من الحمام وهما خارجين لقوا الفنان محمد رمضان في وشهم".
وأضاف والد الطفل الضحية: "ابنه استعان بيه وهو جه ودخل على ابني وزميله اللي خرجه من الحمام وابتدى يوبخهم توبيخ فيه نوع من الترهيب، وأخدهم وحط إيده على كتافهم هما الاتنين، وسأل ابنه مين في دول، وابني قال له من فضلك شيل إيدك، هو طفل عنده 11 سنة وأدامه راجل كبير، ابنه شاور على ابني وساب الولد التاني، وهمس في أذن ابنه بحاجة ولكن في خلال ثانية الواد اتقدم خطوتين وضرب ابني قلم، إحدى الأمهات سمعت الصوت وقالت يا رب ما يكون حد اتضرب قلم وعندنا شهود بالكلام ده، والكلام مثبت بالصور وتقرير الطبيب الشرعي، وراح دخل حايش ابنه وراه وخلاص المهمة خلصت وابني طبعا قعد يعيط بهستيريا".