"6 أبريل" تدعو لمقاطعة شركات الاتصالات يوم 28 يناير

دعت حركة شباب 6 أبريل "الجبهة الديمقراطية" إلى ضرورة مقاطعة شركات المحمول الثلاث يوم 28 يناير المقبل، مبررة فى بيان لها اليوم، الثلاثاء، مقاطعتها لهذه الشركات بسبب اقطعها خدماتها عن أجهزة المحمول يوم جمعة الغضب 28 يناير 2011.
وقالت الحركة: "يا ترى فاكرين يوم 28 يناير إيه اللي حصل، طيب أكيد فاكرين إن فيه ناس كتير كان نفسها تودع أحبائها قبل وفاتها، وكان فيه ناس عايز تتصل بحد ييجي يسعفها ويساعدها، وكان فيه أب و أم عايزين يطمنوا على ولادهم بعد ما شافوا الضرب، وكان فيه ابن وابنة عايزين يطمنوا أهاليهم عليهم".
وتابعت: "كل ده كان أماني، إيه اللي منعها إنها تتحقق، طيب هتتحقق إزاي ومفيش وسيلة اتصال، أصل الشركات الثلاث قطعوا عنا الخدمة وإنت في أمس الحاجة ليها ونسيوا إن إنت اللي مشغلهم".
وقالت الحركة إن الشعب هو صاحب القوة والفضل على هذه الشركات، مؤكدة أن هذه الدعوة انطلقت لتلقين درس لتلك الشركات كي يدرك القائمون عليها أن مصالحها معه وليست مع الحكومة.