وجدت ملابس نسائية في منزلي.. زوجة ثلاثينية تفضح زوجها بعد عودتها

صباح زوجة ثلاثينية نشبت بينها وبين زوجها الذي يكبرها ب عامين فقط مشكلات، تطورت إلى قيامها بترك المنزل والذهاب إلى منزل أسرتها لمدة شهر، وبعد عودتها إلى منزلها كانت المفاجأة، والتي قررت بعدها التخلص منه برفع قضية خلع في محكمة الأسرة بالمعصرة.
سرقة الشيكات.. قرار عاجل من النيابة بشأن زوج الفنانة بوسي وآخرين
عايزني على السطح .. كريمان تطلب الخلع من زوجها والسبب صادم
صباح تطلب الخلع من زوجها
قصة صباح مع زوجها دامت لمدة 7 سنوات، فقد تعرفت عليه منذ 10 سنوات، ودامت فترة الخطوبة عامين ونصف بسبب حالته المادية حتى تزوجته، وأنجبت منه طفلا بعد مرور عام من الزواج، إلا أن المشكلات وخيانة الزوج كانت سببا في إنتهاء العلاقة الزوجية بعد 7 سنوات، وذلك بعد أن عادت الزوجة إلى الشقة بعد فترة مضتها لدى أسرتها، لتجد في منزلها ملابس نسائية خاصة وأثار لمواد مخدرة في غرفة النوم، ونشبت بينها وبينه مشادة كلامية تركت له المنزل على أثرها وغادرت إلى أسرتها من جديد ثم رفعت عليه قضية خلع للتخلص منه.
سردت صباح قصتها مع زوجها قائلة «أنا عندي 32 سنة، وأتجوزت من 7 سنين، وقبل ذلك كان جوزي أتقدم لوالدي ووالدي وافق ساعتها، وفضلت مخطوبة سنتين ونصف عشان ظروفه المالية، وجهزت الشقة بالعافية لدرجة إني كنت متجوزة من غير تلفزيون وسفرة، عشان الظروف وأنا قولت ساعتها معلش بكرة الدنيا تتعدل والحال ينصلح».
وتابعت صباح في قصتها مع زوجها «بعد حوالي سنة من الجواز، ربنا رزقنا ب طفل وسميته محمود، وكانت الحياة بتتغير يوم عن يوم وبعدها جوزي جاله شغل كويس، وجاب كل حاجة كانت ناقصة في البيت، والدنيا كانت ماشية كويس معانا ومفيش غير المشاكل العادية بتاعت أي اتنين متجوزين».
أضافت صباح في قصتها قائلة «للأسف بعد سنين حصل بيني وبينه خناقة عشان الفلوس، بعد 7 سنين جواز أتخانقت أنا وهو عشان المصروفات مع أني مش بصرف كتير، وسبت له البيت وروحت بيت أهلي وقعدت هناك شهر وهو في أول يوم كلمني وقالي ارجعي بيتك وأنا قولت لما يجي يصالحني وفضلت شهر معبرنيش، وأمي قالتلي روحي بيتك خليه يرجع يلاقيكي وأتصالحوا».
وأختتمت صباح «ويارتني ما رجعت البيت، أول ما دخلت لقيت نايم على السرير ولقيت ملابس نسائية لونها أحمر من بتاعتي مرمية في الأرض وفي إزازة خمرة وسجاير غريبة على التسريحة، وهو كان قايم يخرج من الأوضة قولت له إيه ده، قالي معرفش واخد الازازة عشان يرميها، مسكت هدومي وقولت له مين كانت لابسة هدومي دي، قالي لا دي وقعت من الدولاب، ولما شميتها لقيت فيها رائحة حريمي قولت له دي فيها رائحة قالي وأنا مالي، روحت من سكات لميت هدوم وقولت له أنت تطلقني وأنا رايحة عند أهلي قالي مش هطلق حد، روحت عند أمي وبعدها بإسبوع رفعت قضية خلع».