وفاة والد الفنان شريف إدريس

أعلن الفنان الشاب شريف إدريس، وفاة والده وذلك من خلال حسابه الرسمي على موقع التواصل الاجتماعي "فيسبوك".
وكتب شريف إدريس: "إنا لله وإنا اليه راجعون...أبويا مات".
وكان شريف إدريس قد تحدث عن ذكريات طفولته بالمدرسة، فور تذكره لحظات أول يوم دراسة قائلا: «أول يوم دراسة ده هو مرتبط بأمي الله يرحمها وذكرياتي معاها وهي بتصحيني لإنها كانت بتصحيني بطريقه عجيبة تقف عالباب وتفضل تنده شريف شريف شريف شريف زي المنبة، وصوت الراديو طبعا وأبلة فضيلة وكلمتين وبس.. وريحة السندوتشات.. وخناقتنا علي شرب اللبن وفي الآخر ماشربوش».

وأضاف إدريس: «لم أكن أحب الذهاب إلى المدرسة أول أسبوع، وعندما كنت أذهب كان أول شىء اهتم به هو فريق الكرة الذي سألعب معه، لم أحب اليونيفورم وكنت أحب كثيرًا الثانوي لأنه لا يوجد يونيفورم، وكنت شاطر في كل المواد ماعدا الرياضيات».
وكان الفنان شريف إدريس، قد أعلن اعتزاله الفن وذلك من خلال منشور عبر حسابه بموقع التواصل الإجتماعى "فيسبوك".
وكتب شريف إدريس: "بسم الله الرحمن الرحيم.. بعد 35 سنه سعي وتعب وشقي في الوسط الفني، قررت الاعتزال والابتعاد تماما وتغيير مسار حياتي وأي حد عنده فرصة سفر ليا هاكون شاكر ليه وده طلبي الوحيد.. وده قرار أخدته بعد ما الامور وصلت في الوسط الفني لمرحلة عبثية وصلت اني بقيت بشوف بعض الزملاء بيشحتو الشغل علني علشان يشتغلوا ".
وقال شريف إدريس:"فلو الامور وصلت لكده ابعد احسن.. وحتي لما بيجي شغل بيتفرض عليك توافق باقل الفلوس وتخرج من الشغل مديون.. ومواقف مهينة.. طب خلو الديكور يمثل".
وأوضح شريف إدريس: "هحكيلكم موقف حصل معايا من اسبوع..اتصل بيا حد قالي عايزين حضرتك بكره عندك تصوير في مسلسل كذا بس هتدفع عشره في الميه للكاستينج دايريكتور. .كان هيجيلي جلطة بعد ماقفلت المكالمة ووافقت علشان انا محتاج اشتغل ومحتاج فلوس. .وماقدرتش استوعب الفكرة بصراحة اني بعد العمر ده مضطر ادفع علشان اشتغل فاتصلت واعتذرت... وده الحال حاليا ان الامور بقت في ايد كاستينج دايريكتور.. وده موقف من مواقف كتير مريت بيها لو حكيتها محتاجة كتاب مش بوست عالفيس فطالما الشغل بقي لازم يتدفعله..وطالما الشغل بقي بالشحاته..يبقي بلاش احسن".