عفاف شعيب تبكي على الهواء: طلاقي بسبب السحر.. وعايزه أقابل ربنا وهو راضي عني

حلت الفنانة عفاف شعيب، ضيفة على الإعلامية ياسمين عز ببرنامج " كلام الناس" والمذاع عبر قناة " إم بي سي مصر"، تحدثت خلال اللقاء عن العديد من الأمور الهامة، مثل تخليها عن الحجاب، وزواجها من رياض العريان.
عصمني من حاجات كتير.. ماذا قالت عفاف شعيب عن خلع الحجاب.. فيديو
عفاف شعيب: بطلت أقعد مع ستات عشان جلساتهم كلها ذنوب.. فيديو
قالت الفنانة عفاف شعيب، إنها لم تفكر في التخلي عن الحجاب، قائله: "الحمد لله لم أفكر في قلع الحجاب"، مضيفه: "لو أنت إيمانك قوي بالله هتعملي الصح، وأنا مش عاوزه الدنيا تأخذني والدنيا غروره، والدنيا متاع الغرور".
المهرجانات
وأشارت: "الحجاب عصمني من حاجات كتير وبطلت أقعد مع ستات عشان جلساتهم كلها ذنوب"، لافته: "قبل ما اتحجب كنت بحضر كل المهرجانات وعمري ما قولت فلانة لابسة أحسن مني أو حاجه"، موضحه: "أخذت ركن لوحدي علشان عايز أقابل ربنا وهو راضي عني، ويرزقني حسن الخاتمة".

خايبة في الزواج.. عفاف شعيب: اتطلقت بسبب عمل سحر وشعوذة
وقالت الفنانة عفاف شعيب: "أنا خايبه في الزواج وتعرضت للسحر والشعوذة في حياتي، معقبة: "مفيش حد جه عليا وأقول يارب إلا وربنا بيجيب لي حقي".
وأضافت: "اللي عملتلي العمل وأذتني قولت يارب أنت وكيلي وحسيبي، العربية اتقلبت بيها وعايشة عاجزة لحد دلوقتي"، لافته: "كانت غير معروفة ولم تكن شخصية عامة".

وقالت الفنانة عفاف شعيب: "عملت لي عمل علشان تأخذ زوجي مني، وانفصلنا وحاول يرجع تاني لكني رفضت".

عفاف شعيب : محمود المليجي قال عني صاروخ تمثيل
وجهت الإعلامية ياسمين عز، سؤالا للفنانة عفاف شعيب، قائلة: "فيه مواقف غيرة حصلت معاكي؟"، لترد قائله: "حصل كثير"، لافتة: "أول بداية حياتي الفنية اختاروني أعمل دور لبنى في قيس ولبنى، وفي الأول عرضوا عليا دور ثالث، ولما شافوني كويسة أعطوني الدور الثاني، فقالت لهم زوز نبيل ومحمود المليجي أنتوا معاكم صاروخ تمثيل ورايحين تدوروا على لبنى، ورشحني لدور البطولة".
وأضافت: "عملت دور لبنى وفي أول يوم تصوير حد معين طلع عليا إشاعة أن وشي مش حلو على الشاشة، والجميع تعجب منها وبالرغم من كده المسلسل كسر الدنيا".
هتعب نفسي
وأشارت الفنانة عفاف شعيب: "لا أهتم بمن يطلق عليا الشائعات لأني لو اهتميت هتعب نفسي وصحيا لذلك بشتري دماغي".


اهتمي بنفسك.. عفاف شعيب توجه رسالة ل المحجبات
وجهت الفنانة عفاف شعيب، رسالة للمحجبات، قائله: "لا بد من الاهتمام بالملابس حتى لو كان الحجاب"، لافته: "لازم المحجبة تهتم بنفسها وبشكلها وبلبسها وأناقتها مش معنى أنها محجبة تبقى متبهدلة".

وأضافت الفنانة عفاف: "على المحجبة أن تكون منظمة في لبسها علشان ده مهم"، ولازم يكون اللبس منسق لأني اتعودت على كده".

قبل الحجاب

وأشارت الفنانة عفاف شعيب،: "حكاية الملابس أصبحت صعبة خاصة الذوق الذي يعجبني"، لافته: "هناك محل اتعامل معه منذ زمن وكنت اشتري منه ملابس كثيرة حتى قبل الحجاب، وكنت اشتري منه كل البدل المستوردة الألماني وغيرها".

عفاف شعيب تفجر مفاجأة عن رأيها في الزواج الثاني
روت الفنانة عفاف شعيب، قصص عن الزواج الثاني، قائلة: "أذكر واحدة ست كبيرة من الهوانم، خلفت 3 صبيان وبنتين، وبعد ما أولادها كبروا وخلصوا جامعة واتوظفوا جوزها اتجوز عليها، ولما اتجوز عليها قالت له بالهنا والشفا والصحة والعافية عليك".

وأضافت الفنانة عفاف شعيب: "الست قالت الراجل قضى عمره كله وتعب وشقي معايا مع الولاد كتر خيره"، لافته: "أنا بصيت للست وقولت لها أنتي بتتكلمي جد، ردت قالت آه يكفي أنه جاب لي 5 أولاد زي الورد بالدنيا".

وأشارت الفنانة عفاف شعيب: "فيه ستات كويسة وبتخاف على بيوتها وبتخاف على بيوت ولادها مش بتفركش"، متسائلة: "لو أنتي فركشتي الأسرة وبعدين؟".

عفاف شعيب تتذكر شويكار وتبكي: اتصلت عليا قبل موتها بأسبوع
بكت الفنانة عفاف شعيب، خلال حديثها عن شويكار، قائله: "اتصلت عليا قبل ما تموت بأسبوع، وقالت لي عفاف أوعي تنسيني، قولت لها محدش ينساكي أنتي جميلة الجميلات".
وأضافت الفنانة عفاف شعيب: "كنت بحبها من قلبي، وكررت أوعي تنسيني 3 مرات خلال المكالمة، وقلقت عليها بعد المكالمة، واتصلت عليها بعدها بيومين لكنها لم ترد".
خبر الوفاة

وأشارت الفنانة عفاف شعيب: "عرفت بعدها بخبر الوفاة، وهي كانت تعبانة لكنها كانت تقاوم"، مضيفه: "كانت تصلي الفجر دائما قبل ما تنام".


هل تزوجت عفاف شعيب رياض العريان من أجل المال؟
وجهت الإعلامية ياسمين عز سؤالا للفنانة عفاف شعيب، قائله: "بيقولوا انك اتجوزتي رجل الأعمال رياض العريان عشان ملياردير ومعاه فلوس كتير؟"، لترد قائله: "عمري ما طلبت منه جنيه".
وأضافت: "كنت عايزه اشتري عربية مرسيدس سنة 1988 وأخذت معايا أخويا قالوا لازم كاش مفيش تقسيط وكانت حينها ب45 ألف جنيه"، مشيرة: "قولت له يا رياض ممكن تسلفني 5 آلاف جنيه قال لي ليه، قولت له علشان أجيب العربية، رد قائلا مالها عربيتك حلوه خليها، ورفض أني اشتري العربية".