مالكش حق تبص على جسمي.. طليقة أحمد الفيشاوي تهاجم الشيخ مظهر شاهين

تحدثت ندى الكامل، طليقة الفنان أحمد الفيشاوي، عن المشادة الكلامية التي حدثت بينها وبين الشيخ مظهر شاهين إمام مسجد عمر مكرم، قائلة إنها رأت منشورا على موقع "الانستغرام" ل هذا الشيخ يتحدث فيه عن الأديان السماوية، معقبة: "أنا ما كنتش أعرف إن المنشور بيتكلم عن زواج المساكنة .. فرديت بتلقائية على نقطة الدين فقط".
وأضافت "الكامل" في مداخلة هاتفية مع برنامج "الحكاية" المُذاع على فضائية "MBC مصر"، أنها فوجئت اليوم التالي بوجود تجاوز على ردها على هذا المنشور، معقبة: "أنا شعرت وقتها إن فيه تنمر لأن الرد كان على شخصي انا مش كمواطنة عادية .. ولا الكلام كان بصفة عامة حتى .. ولكن كان على شخصي أنا".
وتابعت طليقة الفنان أحمد الفيشاوي قائلة: "دخلوني في دايرة كبيرة أنا كنت براها نهائي .. لأن أنا واحدة لا أؤمن بالمساكنة أصلاً .. وكل واحد حر يعمل اللي عايزه .. ولكن لاقيته سايب كلامي على البوست وبيقولي إنتي نافخة وعاملة بوتكس وفيلر .. طب هو يعني انت مركز فيا ولا في الكلام اللي بقوله!".
وأكملت: "أنا خرجت برة أعصابي لأن هو دخلني في نقاش ودايرة أنا مليش علاقة بها .. وأنا اتكلمت على أساس إن الموضوع بنسبالي قضية فكرية انسانية بحتة لكن هو جاب الموضوع بإن هو نقاش ديني حاد بين شخص مش فاهم في الدين اللي هو أنا .. وبين إن هو عالم ديني كبير .. وده كلام غلط أصلاً".
وعقبت طليقة الفنان أحمد الفيشاوي قائلاً: "انت ملكش الحق أصلاً تبص على جسمي .. أو إنك تفصل جسمي أو ترد عليا رد غير لائق على جسمي .. انت ملكش دعوة .. ديه مش شغلانتك .. ديه شغلانة دكاترة تجميل مش شغلانة داعي كبير زيك".
وأردفت: "اعتذاره غير مقبول بالمرة لأن أنا وصلني كلام بإني مُلحدة بسببه .. ومسدجات على كل مواقع التواصل الاجتماعي بإن أنا كافرة .. وامبارح يقول أنا بخاف على الفتنة .. إيه علاقة الفتنة بيا .. فأنا مش هدخل في مهاترات مع حد.. حضرتك شيخ مش المفروض تقولي الكلام ده .. أنا جالي من الشيخ ده تجاوزات شخصية ولكن أترفع إن أنا أرد عليها دلوقتي أو بعدين".