مفيدة شيحة: لو صاحبتك الانتيم خطفت جوزك هتتصرفي ازاي

رصدت الإعلامية مفيدة شيحة، في برنامجها الستات، المذاع عبر قناة النهار، مساء اليوم الاثنين، فقرة عن خطف الأزواج من قبل الأصدقاء المقربين.
وخلال الفقرة تساءلت مفيدة شيحة : "صديقتي وحياتي الشخصية، وهل توجد خطوط حمراء؟ ولو صاحبتك الانتيم خطفت جوزك هتتصرفي إزاي، وهل لازم احط حدود للصداقة؟".
وتابعت مفيدة شيحة:"كل واحد في حياته صديقة انتيم وقريبة من القلب، وبدخلها بيتي، وأأكلها من أكلي، وليس بيني وبينها حدود، ومن الممكن أن أحكي لها كل حياتي وأبكي في حضنها".
وأكملت مقدمة برنامج الستات: "الخيانة لما تيجي من صديقتي في زوجي بتكون الضربة جامدة أوي، وهل تقبلين أن صديقتك الانتيم تعرف عن كل حاجة وميكونش لها حدود".


وقالت الإعلامية مفيدة شيحة: "هي الرجالة اللي بتحترم زوجاتهم نسبتهم قليلة؟! واحترام الراجل للمرأة مش مجرد كلام بيتقال يلم بيه لايكات، والراجل الطموح يساعد زوجته على النجاح".
وأضافت مفيدة شيحة: "في راجل بينور الست وراجل بيطفيها، ليه تحولت المقولة دي لنكتة؟ الراجل اللي بيحترم المرأة مشروع أب ناجح".
وتابعت: "لما بيظهر نموذج لراجل بيتعامل مع زوجته بشكل فيه تقدير واحترام بتلاقي العين عليه وبتشكر فيه جدا، ونبدأ نشوف كلام كتير على السوشيال ميديا عن الراجل ده ومعاملته لمراته".
وأكملت مفيدة شيحة: "يخرج علينا سؤال من نوعية طب هو معقولة في رجاله كده؟ والحقيقة أنا مش عارفة هو مين قال إن مافيش رجالة كدة، آه يا جماعة في رجالة كده".