بالعكاز والجبس.. مريم الخشت تكشف كواليس تصوير مسلسل"مجنونة بيك"

شاركت الفنانة، مريم الخشت فيديو جديد لها عبر صفحتها الشخصية بموقع التواصل الإجتماعي إنستجرام، وظهرت فيه ورجلها مجبسة بسبب إصابة أثناء التصوير.

وكتبت الخشت معلقة عبر الفيديو:"بداية السنة دي كانت مختلفة.. واختلافها في حاجات كنت متعودة عليها بقالي سنين وكلها اتغيرت.. يعني السنة دي هي أول سنة مكنش في الردايو اللي بقالي فيه سنين، ومكُنش في رمضان لاول مرة من 5 سنين، و لأول مرة رجلي تتكسر وتخليني أقعد في البيت أطول فترة في حياتي في وقت بكل المقاييس اللي في الدنيا ماينفعش يحصل فيه كدهّ بس فعلاً ربنا كبير أوي و مش بيعمل حاجة وحشة، وأنا فعلاً مؤمنة بده!.
وأوضحت:مسلسل "مجنونة بيك" تجربة مختلفة أول مرة تحصل في الوطن العربي، أول مسلسل استعراضي غنائي.. كل الناس اللي بتشتغل فيه بتعمل أقصى و أكتر حاجة عندها عشان يطلع في أحسن شكل، عدد استعراضات كبير وأغاني بتتحفظ وبتتسجل قبلها بفترة، وتيجي يا مريم يوم 30 مارس بعد أول أسبوعين تصوير تٌقعي على رجلك بعد مشهد عادي جداً، بعد الوقعة رجعت كملت التصوير، وبين توقيف التصوير وإننا نكمل لوقوف تصويره شهر كامل!.
وأضافت:كل التفاصيل والحاجات اللي عيشتها كانت مخلياني مش فاهمة إزاي هرجع بعد شهر اقدم أكتر من 13 استعراض! اختفيت فترة طويلة، وبعدها رجعت اصور وصورت كل الاستعراضات وانا رجلي لسه فيها مشاكل بس حماسي لكل حاجة كان مخليني أحسن، متحمسة لكل حاجة حصلت في المسلسل اللي بتشرف إني اشتغلت فيه.
وتابعت الخشت :شكراً لكل الناس من المنتجة الجميلة سالي والي و حبايبي علي فايز و احمد جمال.. والمخرج صديقي الجميل جو بوعيد، و حبيبي مدير التصوير احمد زيتون و مصمم الاستعراضات الهايل هادي عواضة، والكاتب الخطير و صديقي عمرو مدحت، المزيكا اللي قدمها و من اكتر الناس اللي شجعتني مصطفى الحلواني، والميكب ارتست حببتي آيه عبد الحميد و زمايلي و اصدقائي اللي وقفوا جنبي جدا أمير المصري وآدم الشرقاوي وانتصار وإنجي كيوان ومراد مكرم ،و لتيم الاخراج اللي حرفياً "شالني" المسلسل كله بعد الوقعة، ولكل الناس اللي اشتغلوا وطلع عنيهم عشان المسلسل يخرج بأحسن شكل.
واختتمت، متحمسة جداً تشوفوا "راندا" ومتحمسة تقولولي رأيكم".

يذكر ان أخر أعمال مريم الخشت هي مسلسل "وعد إبليس" الذي يتكون من 6 حلقات بطولة عمرو يوسف، عائشة بن أحمد، أحمد مجدى، مها أبو عوف، محمد يسرى ومريم الخشت، ومن إخراج البريطاني كولين تيج، وكان يحمل اسم "العقد"،وتم تغييره للاسم الحالى، حيث يجسد عمرو يوسف، ضمن أحداث العمل شخصية رجل يتحالف مع الشيطان في إطارمن الإثارة والغموض، ويتكتم صناعه على الأبطال الذين يشاركون فى المسلسل.

وشاركت مريم الخشت في مسلسل "ليه لا" بطولة أمينة خليل وهاني عادل، وهالة صدقي، وشيرين رضا، وعمرالسعيد، ومريم الخشت، وناردين فرج، ومن تأليف مريم نعوم، وإخراج مريم أبو عوف، وإنتاج عبد الله أبو الفتوح.يذكر أنآخر أعمال مريم الخشت الرمضانية مسلسل لعبة النسيان الذي تدور أحداثه حول رقية، والتي تجسدها دينا الشربيني،حيث تعرضت لحادث أدى إلى دخولها غيبوبة 4 أشهر وفقدانها الذاكرة المتعلقة بآخر 6 سنوات من عمرها.
View this post on Instagram
A post shared by Mariam El Khosht (@mariam.el.khosht)