على طريقة القرموطي.. أحمد آدم يوجه رسالة نارية ل كيروش |شاهد

وجه الفنان أحمد آدم رسالة ل "كيروش"، مدرب منتخب مصر، بطريقة "القرموطي"، قائلاً "والله ياعم كيروش أنا مش عارف أجيبهالك ازاي.. بس كل اللي أنا عرفه إنك انت كرشت نفسنا ومبقيناش عارفين راسنا من رجلينا".
وأضاف أحمد آدم خلال لقائه مع برنامج "كلام الناس"، المُذاع على فضائية "إم بي سي مصر"، قائلاً: "حاطتلنا لاعيبة مش في أماكنها .. وحاطت صلاح وراء الجول .. وحاطت النني ورا النضارة .. أنا مش فاهمك يا عم كيروش .. يا ترسينا على حل كده وتلعب بما يُرضي الله وتلعب حلو وتنزل الناس تمام".
وتابع الفنان: "يإما مش هتلعب حلو ولا هتنزل الناس يبقى نفض الماتش وكل حاجة .. واللاعيبة تروح على مصر للطيران .. وترجع بلدها .. مش عايزين حرقة دم ومعلش احنا بنتكلم".
وعلق أحمد آدم على المشاجرة التي كانت بين كيروش والجمهور قائلاً: "هو جاي مستبيع .. أو جاي حد موصيه .. محدش عارف .. بس أنا ملاحظ إن مفيش مدرب جيه وعجب محليلين الكرة .. زي كوبر وحسن شحاتة قبل كيروش .. وده مش معناه إني كيروش كويس .. لأ هو بيتصرف غلط".