تهديد أم مزاح.. كيف تسبب «النهارده يوم جميل» في هجوم السوشيال ميديا على زوج نجلاء بدر

مزاح على الهواء بين زوجين، تصدر التريند، واحتل مواقع التواصل الاجتماعي، مثيرًا حالة من الجدل الواسع، حقيقة الأمر كانت أغلب ردود الأفعال على مواقع السوشيال ميديا مدافعة عن الفنانة نجلاء بدر، بعد تصريحات زوجها رجل الأعمال محمد عفيفي.
«لو تخنتي هطلقك.. أنا واخدك عربية سبور» هذه الجملة التي قالها رجل الأعمال محمد عفيفي، لزوجته الفنانة نجلاء بدر على الهواء، قلبت الرأي العام ضده، ولاقى هجوما كبيرا على مواقع التواصل الاجتماعي.
قطعت شراييني ولو تخنتي هاطلقك.. ماذا حدث بين نجلاء بدر وزوجها على الهواء؟
نجلاء بدر: لجأت ل طبيب نفسي لهذا السبب..فيديو
مزاح على الهواء
مكالمة هاتفية لرجل الأعمال محمد عفيفي على الهواء، في أحد البرامج على فضائية «دي إم سي»، قلبت الرأي العام، ولقيت هجوما من مستخدمي مواقع التواصل الاجتماعي، حيث كانت الفنانة نجلاء بدر في لقاء تليفزيوني، وكان زوجها على الهاتف، ومازحها قائلاً: «لو مراتي بقت تخينة في الحقيقة زي دورها في فيلم «النهارده يوم جميل» هطلقها طبعا».
تقييم محمد عفيفي لزوجته
قيم رجل الأعمال محمد عفيفي، زوجته الفنانة نجلاء بدر، كفنانة ومنحها تقييم 10/10، موضحًا خلال المداخلة الهاتفية: «نجلاء بتعمل تشكيلة كبيرة قوى في الفترة اللى فاتت من الأدوار، وأنا داعم لنجلاء بشكل كبير، وهى تستاهل أكثر من ده بكثير منى، ولازم أكون داعم لنجاحها كرجل بشكل كبير، ولازم يكون الدعم ده من الطرفين».
رد فعل السوشيال ميديا على مزاج محمد عفيفي ونجلاء بدر
تداولت مواقع التواصل الاجتماعي الحديث بين الزوجين على الهواء، وانتشر، وعلق على الأمر مستخدمو مواقع التواصل الاجتماعي، مستنكرين مزاح الزوج.
وجاءت بعض المنشورات على موقع «فيسبوك»:
* ريأكاشن نجلاء بدر معبر اوووى.. حتى لو هزار مينفعش يقول كده.
- أكتر حاجة بتعجبني فيكي يا نجلا إنك ممثلة متنوعة.. يعني أنا مش مصدق إنه إنتي اللي كنتي عاملة دور واحدة تخينة كده.
= طب لو ده حصل حقيقي ؟
- هطلقها طبعا
= لا طبعا لازم تقبل الست اللي معاك زي ما هي انت مش متجوز شكل.
- لا انا واخدك موديل معين.. أنا واخدك عربيه سبور هتقلبي أتوبيس نقل هنزل أول محطة.

* من 5 سنين كانت نجلاء بدر في برنامج تلفزيوني وفاجأها جوزها حاليا بالخطوبة على الهوا ومعاه بوكيه ورد أحمر ولبسها الخاتم ولما المذيع سأله إيه أكتر حاجة بيحبها فيها قاله شخصيتها وروحها الجميلة اللي مهما حصل تخليني عمري ما أسيبها ..
امبارح كانت في برنامج بعد مسلسلها الأخير وجوزها عمل مداخلة فالمذيعة سألته لو تخنت هيعمل معاها إيه قال (هطلقها طبعا أنا واخدها موديل معين) اتصدمت وحاولت تغير الموضوع وتداري الموقف من الإحراج.
بغض النظر عن الموقف البايخ وبعيدا عن الوسط الفني كله لكن اللي شبهه موجودين كتير، شكل البنت بالنسباله نمبر وان وبيضحك عليها في الأول بحوار شخصيتها وروحها ده، لو حصلها تغييرات مثلا تخنت أو خسِت، تعبت ولا مرضت ينفر منها وكأنها آلة مش بشر، بيفصص فيها وعايز عودها مظبوط وشعرها لونه كذا وبشرتها درجة معينة ولو هي رفضته عشان شكله مش عاجبها يبدأ يقول عليها بتاعة مظاهر.
الإنسان عموما لازم يكون متقبل شكل اللي قدامه تمام، لكن لازم كمان يكون متقبل كونه إنسان، مش عروسة بلاستيك.
محمد عفيفي ونجلاء بدر
رد فعل نجلاء بدر على هجوم السوشيال ميديا على زوجها
بعد تصدرها وزوجها التريند، والهجوم الذي تعرض إليه بسبب تصريحات المازحة ضد زوجته نجلاء بدر، تفاجأت الفنانة، بالهجوم الحاد عليه، وردت قائلة: « حرام هو بيهزر وأنا عارفة طبيعته عمري ما تخيلت الموضوع هياخد الهجوم دا».
نجلاء بدر ومحمد عفيفي
«النهارده يوم جميل»
أعربت الفنانة نجلاء بدر، عن سعادتها لمشاركتها في فيلمها الجديد «النهارده يوم جميل»، الذي يعرض للمرة الأولى في مهرجان القاهرة للسينما الفرانكوفونية في دورته الأولى.
وقالت: «قضية السمنة المفرطة، التي يناقشها الفيلم، مشكلة عالمية، وليست في مصر فقط وبتأثر على كثير من النساء الذين يعانون من فرط السمنة» وأضافت أن مشكلة السمنة المفرطة، تؤثر على النساء في منازلهن ومن الممكن أن تؤدي إلى هدمها، موضحة أنها أعجبت بفكرة الفيلم، لأن ظهورها من خلاله ليس بالشكل والجمال، وتابعت: «أنا بقدم شخصية امرأة تعاني من السمنة المفرطة، التي تؤثر على العلاقات الزوجية».
الفيلم بطولة باسم سمرة وهنا شيحة ونجلاء بدر وأحمد وفيق ومحمود الليثي وإيمي إسلام وانتصار وإيمي سلطان ورمزي العدل، عن المجموعة القصصية «هضبة المقطم» للكاتب علاء سليمان سيناريو وحوار دينا السقا ونيفين شلبي.