سب وقذف لايف أمام الجمهور .. القصة الكاملة لأزمة حسن شاكوش ورضا البحراوي

شهد الوسط الفني والسوشيال ميديا، الأيام الماضية خلافات شديدة بين كل من حسن شاكوش ورضا البحراوي، وصلت إلى السب والقذف العلني أمام الجمهور، نستعرض لكم تفاصيل الواقعة من خلال التقرير التالي:

بدأت الأزمة بين حسن شاكوش ورضا البحراوي، مع انتشار فيديو على موقع التواصل الاجتماعي فيسبوك، أظهر خلافا وقع بين حسن شاكوش وفرقة رضا البحراوي وتدخل حمو بيكا لفض الاشتباك قبل وقوع أزمة أكبر.
ظهر حسن شاكوش في الفيديو وهو يغادر المسرح ثم صعد رضا البحراوي بعده، وشرع في الغناء، ثم قال :"هو حسن شاكوش راح فين أنا كان نفسي فيه".
لايف حسن شاكوش
خرج حسن شاكوش صباح اليوم في فيديو لايف على موقع فيسبوك، للرد على رضا البحراوي بعدما استمرت المناوشات بينهما على السوشيال ميديا ومن خلال حفلاتهما الصيفية.
وقال حسن شاكوش: "صباح الخير على كل اخواتنا اللي بيحبونا واللي بنحبهم، أنا طالع يا جماعة اتكلم في موضوع يخصني ويخص الأستاذ رضا البحراوي، هو طلع من شوية في لايف بيقول عليه كلام كتير، طب أول حاجة يا جماعة المفروض إن إحنا كان عندنا شغل في الساحل والمفروض إن أنا راجل عندي نمرة، ما ينفعش إن أنا أطلع أغني وألاقي فرقة حطة العدة بتاعتها في نمرتي".
وأضاف حسن شاكوش: "الأصول إن اطلع نمرتي تكون كل واحد ياخذ حقه، مش ينفع إن أطلع الاقي فرقة جهزت الآلات بتاعتها على نمرتي، وبلغت مرة واتنين إن يا جماعة مش ينفع ولازم تنزلوا ومش عايز حد على المسرح دي حاجة تخصني وحاجة ترجع ليا أنا، دي نمرتي أنا اللي أنا عايزه يبقى على مسرح موجودة واللي مش عايزه يبقى مش موجود".
تابع حسن شاكوش: "الأصول إن اطلع نمرتي تكون كل واحد ياخذ حقه، مش ينفع إن أطلع الاقي فرقة جهزت الآلات بتاعتها على نمرتي، وبلغت مرة واتنين إن يا جماعة مش ينفع ولازم تنزلوا ومش عايز حد على المسرح دي حاجة تخصني وحاجة ترجع ليا أنا، دي نمرتي أنا اللي أنا عايزه يبقى على مسرح موجودة واللي مش عايزه يبقى مش موجود".
وأوضح حسن شاكوش: "بعد ما خلصت آخر شغل، فرقة الأستاذ رضا البحراوي، طلعت على المسرح تاني ومارضيتش اتكلم، وأنا نازل حد فيهم من الفرقة راح شتمني وعاملي حركة كأنهم بيزفوني، وأنا نازل طبعا انا راجل شوفت كده انا راجل حر من بولاق الدكرور، ولما بشوف الغلط بعيني مش بعرف اسكت، وعمري في حياتي ما غلطت في حد ولا جبت سيرة حد ولا اتكلمت على حد".
وتابع حسن شاكوش: "بعد ما خلصت ونزلت لاقيت أستاذ رضا البحراوي طلع وبيقول هو فين شاكوش هو هرب ولا جرى، لا يا بحراوي أنا ولا جريت ولا هربت أنا خلصت فقرة بتاعتي زيي أي نجم بخلص وبروح بيتي".
وتحدث حسن شاكوش عن تاريخ رضا البحراوي الفني ووصفه بعدة جمل منها:" انت ملكش أغاني وملكش CV وكل اللي بتغنيه بتاخده عالجاهز .. احنا مجيناش ع البايظ .. احنا تعبنا على نجاح.. لو شفت الأرقام بتاعتي على يوتيوب هتتخض وأنا اشتغلت مع نجوم كبار ..أغني معاك إزاي بعد أحمد سعد وأغنية من بتوعي بتاريخك كله".
لايف رضا البحراوى
هاجم مطرب المهرجانات رضا البحراوى المطرب حسن شاكوش عبر صفحته على موقع التواصل الاجتماعى فيسبوك.

وقال رضا البحراوى : "حسن شاكوش يقول أنه يمتلك مليار مشاهدة من خلال أغنية بنت الجيران واليوتيوب كنت حابب ارد عليك بان فى هذه المهنة من 2000 يا حسن، وكنت قدمت شريط مع عماد محرم، و فى 2005 عملت أغنية مع عبد السلام وشرف لي أن الفنان حكيم غناها".
وأضاف رضا البحراوى : "سبب نجاحى ربنا والجمهور، وأنت تقول أنك نجم كبير لماذا تشغل بالك بى وبنت الجيران نجاحك مش لوحدك لأن معاك عمر كمال، أنت مش سالك وأنا مش شاغل بالي بيك أصلا، أنا قاعد مع الحمام في غيتي، أنت نجاحك بحد تاني مش لوحدك وبرغم ذلك مذكرتش حد فيهم".

وأوضح رضا البحراوى : "انا أغنى لجمهور لا تعرف أن تغنى لهم والاهم لم أغن مرة واحدة بطريقة بلاى باك او احرك شفايفى وأنا معايا 40 واحد في الفرقة وأنت عملت 3 أغاني يوتيوب يعني لو قعدت في بيتك مع ال3 أغانى دول هتصرف عادى، ولكن متعرفش تغني تتر بداية أو نهاية مسلسل أو تغني دراما".
وقف تصاريح الغناء لمدة شهر ل حسن شاكوش ورضا البحراوى
قرر مجلس نقابة المهن الموسيقية، وقف تصاريح الغناء لمدة شهر لكل من حسن شاكوش ورضا البحراوى وعدم مزاولتهما الغناء طوال تلك المدة بسبب ما بدر منهما أمام الجمهور حسبما قال أحمد مرتضى سكرتير عام نقابة المهن الموسيقية ل صدى البلد.
فضيحة للفن المصري.. تامر أمين يعلق على أزمة حسن شاكوش ورضا البحراوي
حسن فلاشة وطرد فرقة «رضا».. نهاية سريعة ل خناقة رضا البحراوي وحسن شاكوش "فيديو"

قرار مجلس نقابة المهن الموسيقية

وقف تصاريح الغناء لمدة شهر يبدأ من تاريخ القرار لكل من حسن شاكوش ورضا البحراوي وعدم مزاولتهما الغناء طوال مدة الوقف؛ ذلك لما بدر منهما من تنمر وتبادل كلمات علي الجمهور من شأنها أن تحط من قيمة الفن المصري الذي ظل طوال عقود طويلة هاديآ للقيم والأخلاق ولم يكن أبدآ هاديآ أوداعمآ لإهدار الأخلاق والفضيلة.
وتأتي مثل هذه الممارسات من البعض الذين لايستشعرون قيمة فضل الله عليهم في مقابلة جمهور له كافة الحقوق في تلقي ما يسمو بهم لا ما يحط من قدرهم.
وتدعو النقابة جميع الفنانين وحتي المؤدين للمهرجانات التمسك بمسئولية الكلمة والأخلاق ولن تتواني النقابة عن دورها في ممارسة حقها في الحفاظ علي قيم المجتمع الراسخة والرصينة.
ومن ثم كشف كل من حسن شاكوش ورضا البحراوى عن انتهاء أزمتهما حيث نشر رضا البحراوى عبر حسابه بموقع فيسبوك مقطع فيديو من داخل سيارته برفقة حسن شاكوش أعلن من خلاله عن انتهاء أزمتهما.
وأكد كل من حسن شاكوش ورضا البحراوى أن كل ما حدث ما هو إلا سوء تفاهم بينهما وقدم كل من الطرفين اعتذارا لجمهورهما ونقيب المهن الموسيقية الفنان هاني شاكر.
وعلق رضا البحراوى :" احنا بنتأسف للجمهور على اللي صدر مننا والحمد لله الموضوع اتحل علي خير
واحنا تحت امر نقابه المهن الموسيقية .. الاستاذ النقيب هاني شاكر".
قال المطرب حلمي عبد الباقي عضو مجلس إدارة نقابة الموسيقيين، إن النقابة لن تتراجع عن قرار وقف المغنيين حسن شاكوش ورضا البحراوي بعد أزمتها الأخيرة، وذلك على الرغم من الصلح الذي جمع بينهما.
وأضاف خلال مداخلة هاتفية علي فضائية "الحدث اليوم"، أن النقابة ليس لها دخل بمصالحتهما من عدمه، مؤكدًا أن النقابة تدافع عن حقها.
وتابع: "الناس اللي سمعت الألفاظ اللي اتقالت على المسرح من شاكوش لهم حق.. وقدسية المسرح لها حق.. لكن مصالحتهما تخصهما".
وأشار عبد الباقي إلى أن الفترة المقبلة ستكون خالية من أي تهاون في مواجهة ما أسماه إفساد الذوق العام، مشيرًا إلى أن النقابة لن تسمح بمثل هذه الممارسات بأي حال من الأحوال.