شاهد |الفنانة الراحلة دلال عبد العزيز تتحدث عن الموت.. فماذا قالت؟

تحدثت الفنانة دلال عبد العزيز، عن الموت قبل رحيلها في لقاء لها مع الإعلامية منى الشاذلي في برنامج "معكم" والذي يعرض على شاشة قناة السي بي سي.

وقالت دلال عبد العزيز: "والدتي كانت تقولي أي عزا لازم تروحي تعزي ده واجب.. كانوا بيقولولي لو فيه فرح وأنتي مش فاضية تروحي طنشي عادي مش مهم وأنا نادراً ما تلاقيني في أفراح".

وتابعت مازحة: "سمير مسميني عزا عبد العزيز ومسمي رجاء الجداوي عزاء الجداوي عشان هي بتبقى معايا ديماً".
عمرو سعد ينعى الفنانة دلال عبد العزيز .. شاهد
نبيلة عبيد تنعى دلال عبد العزيز بكلمات مؤثرة
بينما قالت منى الشاذلي: "انا بروح اي عزاء من اوائل الناس اللي بتروح هي دلال عبد العزيز.. وبحس انها رايحة تعزي بجد.. مش رايحة تتصور ولا ترغي ولا تضحك.. لابسة إسود.. وقاعدة بمنتهى الأدب.. ولازم يبقى معاها واحدة من بناتها".

وردت دلال عبد العزيز: "أنا اما بقرأ حادثة إن أي حد فقد شخص عزيز عليه ببقى عايزة اروح اعزي وأحضنه .. وإيمي ودنيا اتعلموا مني انهم لو قادرين يروحوا يعزوا بيعملوا كدة ديماً .. دي الاصول بصراحة ,, احنا متربين اننا لما حد كان بيموت له حد في العمارة كنا بنقفل التلفزيون.. وماما تزعقلنا.. وبنقعد مدة.. بس زمان الموت كان قليل دلوقتي بقى كتير اوي ".

وإختتمت حديثها: "ديما في عيد الام تحضرني مقولة اذا مات الاب مات البني ادم اللي الناس بتكرمك عشانه .. وإذا ماتت الأم مات الأنسان اللي ربنا بيكرمك عشانها.. انا كنت بعيط في عيد الام وماما عايشة اكتر من دلوقتي لأني كنت ديماً حاملة هم اليوم اللي هتموت فيه.. وكل ما اسمع ست الحبايب اعيط".